कणकवलीत ‘सायबर’ विषयी धडे

79950

कणकवलीत ‘सायबर’ विषयी धडे
कणकवली, ता. २६ ः येथील विद्यामंदिर माध्यमिक प्रशालेत विद्यार्थ्यांना सायबर गुन्ह्यांपासून स्वसंरक्षण आणि कायद्याची माहिती देण्यात आली. कणकवली पोलिस स्टेशनच्या महिला अधिकारी विनया सावंत आणि श्रीमती चौगले यांनी विद्यार्थ्यांना बालगुन्हेगारी, बालमजूर, बालविवाह, सायबर गुन्हेगारी आणि मोबाईलच्या अतिवापरासारख्या विषयांवर मार्गदर्शन केले. या कार्यक्रमात विद्यार्थ्यांना स्वतःचे संरक्षण कसे करावे आणि गरज पडल्यास पोलिसांची मदत कशी मिळवावी याबाबत सविस्तर माहिती विनया सावंत यांनी दिली. मुख्याध्यापक पिराजी कांबळे यांनी प्रास्ताविक आणि पोलिस अधिकाऱ्यांची ओळख करून दिली. यावेळी प्रशालेतील शिक्षक उपस्थित होते.