कणकवली : महावितरण निवेदन

kan254.jpg
79953
कणकवलीः येथील महावितरणचे कार्यकारी अभियंता सौरभ माळी यांना हरकुळ बुद्रूक ग्रामस्थांनी निवेदन दिले.

हरकुळमध्ये स्मार्ट मीटर बसविण्याचे काम थांबावा
ग्रामस्थांची मागणीः महावितरणच्या कार्यकारी अभियंत्‍यांना दिले निवेदन
सकाळ वृत्तसेवा
कणकवली, ता. २५ः महावितरणने हरकुळ बुद्रुक गावात स्मार्ट मीटर बसविण्यास सुरूवात केली आहे. हे मीटर बसविण्याचे काम त्वरित थांबवावे, अशी मागणी माजी पंचायत समिती सदस्य राजू पेडणेकर यांच्या नेतृत्वाखाली हरकुळ ग्रामस्थांनी केली आहे. याबाबतचे निवेदन त्‍यांनी महावितरणचे कार्यकारी अभियंता सौरभ माळी यांना दिले.
निवेदनात म्‍हटले आहे की, हरकुळ बुद्रुक गावात स्मार्ट मीटर बसविण्याचे काम चालू आहे. हे काम त्वरित थांबवावे. तसेच ज्या ग्राहकांची परवानगी न घेता स्मार्ट वीजमिटर बसविले आहेत, त्या ग्राहकांचे बिल मोठ्या प्रमाणात निदर्शनात आलेले आहे. तरी त्या ग्राहकांचे वीजबिल मागील सरासरीप्रमाणे आकारणी करावे. हरकुळ बुद्रूक ग्रामसभेमध्ये स्मार्ट मीटर न बसवण्याबाबतचा ठराव झालेला आहे.
गावामध्ये रात्रंदिवस किमान दहा वेळ तरी लाईट येत जात असते. महावितरणच्या भोंगळ कारभाराची पालकमंत्र्यांकडे ग्रामस्थांनी तक्रार करण्यात आली होती. तरीसु‌द्धा रात्रंदिवस लाईट येत जात असते यावर उपाययोजना करावी. हरकुळ बुद्रुक गावठणवाडीमध्ये तीस घर असून रात्रीच्या वेळी कामी दाबाचा विद्युत पुरवठा होत असल्यामुळे विद्युत उपकरणे व्यवस्थित चालत नाही.
याबाबत महावितरणकडे सहा महिन्यांपूर्वी तक्रार केलेली होती. तत्कालीन अधिकारी व विद्युत ठेकेदार श्री. अवताडे यांनी पंधरा दिवसांच्या हाय होल्टेज वाढून देतो, असे आश्वासन दिले होते. अद्याप काहीच उपाययोजना केलेली नाही. या सर्व वीज ग्राहकांच्या समस्या मार्गी लावाव्यात, अशी मागणी निवेदनात केली आहे. निवेदन देते वेळी चंद्रकांत परब, निलेश तेली, भूषण वाडेकर, इम्रान शेख, मामा माणगावकर, प्रकाश तेली, अमर गावकर, रमेश मसुरकर, बाबुल पटेल, जाकीर पटेल, असिफ शेख, मनीषा देवळी, तुकाराम मोडक उपस्थित होते.