सावंतवाडी काँग्रेस कमिटीतर्फे विकास सावंतांना आदरांजली

80082

सावंतवाडी काँग्रेस कमिटीतर्फे
विकास सावंत यांना आदरांजली

सकाळ वृत्तसेवा
सावंतवाडी, ता. २६ ः येथील तालुका काँग्रेस कमिटीतर्फे जिल्हा काँग्रेस अध्यक्ष (कै.) विकास सावंत यांच्या प्रतिमेला पुष्पहार अर्पण करून त्यांना श्रद्धांजली वाहण्यात आली. यावेळी काँग्रेसचे पदाधिकारी आणि कार्यकर्ते उपस्थित होते.
यावेळी काँग्रेसचे ज्येष्ठ नेते ॲड. दिलीप नार्वेकर म्हणाले, ‘विकास सावंत यांच्या निधनाने सावंतवाडीने एक अभ्यासू, शिक्षणप्रेमी, सांस्कृतिक, कला, क्रीडा आणि राजकीय क्षेत्रातील अनुभवी व्यक्तिमत्त्व गमावले आहे. त्यांचे योगदान सावंतवाडी कधीही विसरणार नाही.’ जिल्हा काँग्रेसचे अध्यक्ष इर्शाद शेख म्हणाले, ‘विकासभाई सावंत हे सदैव आमच्या कायम स्मरणात राहतील. त्यांचे कार्य सर्वांसाठी प्रेरणादायी आहे.’
सावंतवाडी तालुका काँग्रेसचे अध्यक्ष महेंद्र सांगेलकर, श्री. शेख, काँग्रेसचे ज्येष्ठ नेते ॲड. दिलीप नार्वेकर, राजू मसुरकर, शहर काँग्रेसचे अध्यक्ष राघवेंद्र नार्वेकर, जिल्हा सरचिटणीस रवींद्र म्हापसेकर, जिल्हा कार्यकारिणी सदस्य बाळा धाऊसकर, आनंद परुळेकर, तालुका काँग्रेसचे उपाध्यक्ष शिवा गावडे, अरुण नाईक, तालुका सरचिटणीस अन्वर खान, सुधीर मल्लार, सेवादल अध्यक्ष संजय लाड, बाळासाहेब नंदीहळळी, साक्षी वंजारी, युवक काँग्रेस अध्यक्ष बासीप पडवेकर, युवक काँग्रेस जिल्हा उपाध्यक्ष जास्मिन लक्ष्मेश्वर, अमिदी मेस्त्री, प्रतीक्षा भिसे, संदीप सुकी, कौस्तुभ पेडणेकर, समीर वंजारी, समीर भाट, बाबू गवस, चंद्रकांत राणे, पीटर फर्नांडिस, बबन डिसोजा, राकेश चितारी, ग्रेगरी डॉन्टस, अमोल सावंत आदी उपस्थित होते. सर्वांनी (कै.) विकास सावंत यांच्या स्मृतींना उजाळा देत त्यांना श्रद्धांजली अर्पण केली.