चराठा-तळखांबवाडी येथे झाड कोसळून घरांची हानी
80121
चराठा-तळखांबवाडी येथे
झाड कोसळून घरांची हानी
सकाळ वृत्तसेवा
ओटवणे, ता. २६ ः चराठा-तळखांबवाडी येथे शुक्रवारी (ता.२५) रात्री झालेल्या वादळी पावसात सागाचे महाकाय झाड दोन घरांवर कोसळले. यात सुमारे दोन लाख रुपयांचे नुकसान झाले. या घटनेवेळी दोन्ही घरातील मंडळी सुखरूप आहेत.
मिळालेल्या माहितीनुसार, चराठा-तळखांबवाडी येथे गजानन नारायण बांदेकर आणि दत्तप्रसाद नारायण बांदेकर यांची एकमेकाला लागूनच घरे आहेत. काल झालेल्या वादळी पावसात घरालगतच्या २५ फुटावरील महाकाय उंच सागाचे झाड या दोन्ही घरांवर कोसळल्याने गजानन बांदेकर यांच्या किचन रूमसह पडवीचे वासे, रिप, कौलांसह छप्पर निकामी झाले. तर दत्तप्रसाद बांदेकर यांच्या किचन रूम सह संडासचे वासे, रिप, कौलांसह छप्पर निकामी झाले. यात दोघाचेही सुमारे दोन लाखांचे नुकसान झाले. दरम्यान, सुरेश रामचंद्र परब यांचा माड अर्ध्यावरून तुटून चराठा- ओटवणे या मुख्य रस्त्यावर कोसळल्याने काही काळ वाहतूक ठप्प झाली. गावात इतर ठिकाणीही झाडांच्या फांद्या कोसळल्या. या घटनेची माहिती मिळताच आज सकाळी तलाठी सुप्रिया घोडके यांनी पाहणी करत पंचनामा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.