80120
बांदा रोटरॅक्ट क्लबतर्फे
मातांना उपयुक्त किट
सकाळ वृत्तसेवा
बांदा, ता. २७ ः रोटरॅक्ट क्लब ऑफ बांदा यांनी ‘अध्याय जननी’ या विशेष उपक्रमाच्या माध्यमातून नुकतीच प्रसूती झालेल्या माता व त्यांच्या नवजात बाळांसाठी उपयुक्त किटचे वाटप केले. नव्या आयुष्याची सुरुवात गोड व्हावी, आईला आधार मिळावा आणि बाळाला पहिल्या दिवसांपासून योग्य काळजी घेता यावी, यासाठी हा उपक्रम राबविला.
या किटमध्ये आई आणि बाळाला सुरुवातीच्या काळात गरजेच्या वस्तू समाविष्ट करण्यात आल्या आहेत. बाळाच्या आहाराबाबत योग्य माहिती, काळजी कशी घ्यावी याचे मार्गदर्शन देण्यात आले. यासोबतच मातांनी बाळासाठी आणि स्वतःसाठी कोणती काळजी घ्यावी, स्वच्छता कशी राखावी, पोषक आहाराचे महत्व काय आहे, याची माहिती देणारे माहितीपत्रकही देण्यात आले. या उपक्रमात माजी अध्यक्ष अवधूत चिंदरकर, क्लबचे सचिव मिताली सावंत, संकेत वेंगुर्लेकर, ओमकार पावस्कर, तसेच रोटरी व रोटरॅक्ट सदस्य विराज परब, बाबा काणेकर व दत्तराज चिंदरकर उपस्थित होते. ‘अध्याय जननी’ या उपक्रमाच्या माध्यमातून गरजू मातांना आणि बाळांना मायेची शिदोरी देण्याचा क्लबचा हा प्रयत्न अनेकांसाठी आश्वासक ठरत आहे. अशा उपक्रमांमुळे आई-बाळाच्या नात्यातील नाजूक बंध अधिक मजबूत होतात आणि समाजात आरोग्याची जाणीव अधिक ठळक होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.