‘रीड अँड शाईन’ला गुणवत्ता मानांकन

80124

‘रीड अँड शाईन’ला
गुणवत्ता मानांकन
सकाळ वृत्तसेवा
देवगड, ता. २६ ः जामसंडे येथील ‘रीड अँड शाईन’ या पूर्व प्राथमिक शाळेला प्री -प्रायमरी स्कूल अ‍ॅक्रिडेशन कौन्सिल ऑफ इंडिया, मुंबई यांच्याकडून गुणवत्ता मानांकन (अ‍ॅक्रिडेशन) प्रमाणपत्र प्रदान करण्यात आले.
शाळेची शैक्षणिक गुणवत्ता, सुरक्षितता, मूल्यमापन पद्धती, शिक्षक प्रशिक्षण आणि पालक संवाद यामधील मूल्यांकनानंतर ही मान्यता देण्यात आली असून तालुक्यातील अशा प्रकारची पहिली मान्यता प्राप्त शाळा ठरली असल्याचा दावा करण्यात आला आहे. जामसंडे येथे झालेल्या या गौरव सोहळ्यात महिला सल्लागार सौ. प्रार्थना ढेकणे (देवगड) यांच्या हस्ते शाळेचे संस्थापक आशुतोष सप्रे व सौ. मधुरा सप्रे, शाळेच्या मुख्याध्यापिका सौ. परीमला गोडवे यांना प्रमाणपत्र प्रदान करण्यात आले. या कार्यक्रमास अंबर ज्ञानसंवर्धन संस्थेच्या अध्यक्षा सौ. रजनी पाटणकर उपस्थित होत्या. यावेळी आजी -माजी विद्यार्थी, त्यांचे पालक, हितचिंतक उपस्थित होते.