कुडाळ येथे आज कोमसापची सभा

कुडाळ येथे आज
कोमसापची सभा
कुडाळ ः येथील कोकण मराठी साहित्य परिषद शाखेची २०२४- २५ ची वार्षिक सर्वसाधारण सभा रविवारी (ता.२७) सकाळी १० वाजता येथील संत राऊळ महाराज महाविद्यालयात कोमसाप कुडाळ शाखा अध्यक्ष सौ. वृंदा कांबळी यांच्या अध्यक्षतेखाली होणार आहे. सभेमध्ये दिवंगत सभासद, मान्यवरांना श्रद्धांजली, मागील सभेचे इतिवृत्त वाचून कायम करणे, गतवर्षीच्या कामकाजाचा अहवाल सादर करणे, २०२४-२५ या कालावधीतील लेखापरिक्षण अहवालाचे वाचन करणे व जमाखर्च मंजूर करणे, २०२५-२६ करिता लेखापाल नियुक्त करणे, मृत आजिव सभासदांची नावे निर्लेखित करण्याबाबत विचार करणे, अध्यक्ष्यांच्या परवानगीने आयत्यावेळी येणाऱ्या विषयांवर चर्चा करणे, २०२५ ते २०२८ करीता नवीन कार्यकारीणीची निवड करणे, गणसंख्येअभावी सभा तहकुब राहिल्यास ती त्याचदिवशी, त्याचठिकाणी, त्याच कार्यक्रम पत्रिकेसह अर्ध्या तासाने घेण्यात येईल, त्यास गणसंख्येची अट राहणार नाही. ज्या सभासदांना सूचना अगर ठराव मांडावयाचे असतील तर लेखी स्वरुपात अध्यक्ष किंवा कार्यवाह यांच्याकडे पोहोच करावे असे पत्रकातून कार्यवाह सुरेश पवार यांनी म्हटले आहे.
--------------------
वेंगुर्ले तेली समाजातर्फे
गुणवंतांचा गौरव
वेंगुर्ले ः मुलांनी शिक्षणाबरोबर विविध स्पर्धा परीक्षांमध्ये भाग घेऊन आपले भविष्य उज्वल करावे. आपल्या समाजाचा नावलौकिक करावा, असे आवाहन अ‍ॅड. मनिष सातार्डेकर यांनी येथे केले. वेंगुर्ले तालुका तेली समाज उन्नती मंडळातर्फे गुणवंत विद्यार्थ्यांना प्रमाणपत्र देऊन सन्मानीत केले. त्यावेळी सातार्डेकर बोलत होते. संत जगनाडे महाराजांच्या प्रतिमेस पुष्पहार अर्पण करून, समई प्रज्वलनाने कार्यक्रमाचे उद्घाटन झाले. विद्याधर वरसकर, शरद चव्हाण, सुनील नांदोस्कर, आना सातार्डेकर, अशोक पेडणेकर, शोभना डिचोलकर, सुनील पेडणेकर, सायली तेली, बिपीन आरोस्कर, सीमा तुळसकर, बाळा डिचोलकर, गौरव वरसकर, सीमा वरसकर, अक्षय पेडणेकर, सुशिला नांदोसकर, ऐश्वर्या बरसकर, वैभवी तुळसकर, योजना वरसकर, विलास वरसकर आदी उपस्थित होते.