सावर्डेत ट्रकच्या अपघातात चालकावर गुन्हा

अपघात प्रकरणी
चालकावर गुन्हा
चिपळूण, ता. २६ : दारूच्या नशेत आपल्या ताब्यातील ट्रक भरधाव वेगात चालवून अपघात केल्याप्रकरणी चालकावर सावर्डे पोलिस ठाण्यात गुन्हा दाखल करण्यात आला आहे. ही घटना शुक्रवारी (ता. २५) मुंबई-गोवा राष्ट्रीय महामार्गावरील सावर्डे येथील नायरा पेट्रोलपंपासमोर घडली. विष्णू रामाराव चौधरी (३३, रा. मखनी, गंगाखेड, परभणी) असे गुन्हा दाखल झालेल्या ट्रकचालकाचे नाव आहे. याची फिर्याद पोलिस हेडकॉन्स्टेबल सुनील आण्णा साळुंखे यांनी सावर्डे पोलिस ठाण्यात दिली.