राजापूर तालुक्यात स्पर्धा परिक्षा मार्गदर्शन केंद्र

rat२७p४२.jpg -
२५N८०३९२
राजापूर ः विद्यार्थ्याचा गौरव करताना आमदार किरण सांमत. शेजारी तुकाराम जाधव, उत्तम भोसले, दीपक नागले, अशफाक हाजू, अ‍ॅड. शशिकांत सुतार आदी

राजापुरात स्पर्धा परीक्षा मार्गदर्शन केंद्र
किरण सामंत ः कौशल्य विकास प्रशिक्षणही
सकाळ वृत्तसेवा
राजापूर, ता. २८ : सध्याचे स्पर्धेचे युग असून या स्पर्धेमध्ये तालुक्यातील विद्यार्थी मागे राहू नये म्हणून स्पर्धा परिक्षाच्या मार्गदर्शनासाठी लवकरच स्पर्धा परीक्षा मार्गदर्शन केंद्र आणि कौशल्य मिळण्यासाठी कौशल्य विकास प्रशिक्षण केंद्र सुरू करणार असल्याची घोषणा आमदार किरण सामंत यांनी केली.
राजापूर पंचायत समिती शिक्षण विभागाच्यावतीने तालुक्यातील विद्यार्थ्याचा आज गुणगौरव सोहळा आयोजित करण्यात आला होता. यावेळी बोलताना त्यांनी विद्यार्थ्यांच्या जडणघडणीमध्ये आईवडिलांसह पालकांची भूमिका महत्त्वाची असल्याने गुणवत्ता हेरून मुलांना त्यांना प्रोत्साहित करावे असे आवाहनही केले. यावेळी तालुक्यातील शिष्यवृत्ती परिक्षा, नासा व इस्त्रोसाठी निवड झालेले विद्यार्थी, नवोदय व अन्य शैक्षणिक बाबीमध्ये उल्लेखनीय कामगिरी केलेल्या तालुक्यातील सुमारे ४५५ विद्यार्थ्याचा बक्षिस, प्रमाणपत्र व चषक देऊन गौरव करण्यात आला. यावेळी आमदार सांमत यांनी प्रत्येक विद्यार्थ्याला रोख १ हजार रुपये देऊन गौरव केला.