ठाकरेंचे कार्यकर्ते मंत्री राणेंच्या स्वागताला

संगमेश्वरमध्ये एक दिवसाचे साहित्य संमेलन
साडवली : रत्नागिरी जिल्हा ग्रंथालय संघ ही जिल्ह्यातील शासनमान्य सार्वजनिक वाचनालयांची शिखर संस्था आहे. संघाचे हे सुवर्णमहोत्सवी वर्ष असून संघाने सुवर्णमहोत्सवी वर्षानिमित्त विविध साहित्यिक कार्यक्रम आयोजित करण्याचे ठरविले आहे. त्यात प्रत्येक तालुक्यात एक दिवसाचे संमेलन होणार आहे. संगमेश्वर तालुक्यातील संमेलन श्री सद्‌गुरू लोकमान्य वाचनालय देवरुख येथे होणार आहे. सध्या संगमेश्वर तालुक्यात वास्तव्यास सर्व साहित्यिकांनी स्वतःचा माहिती श्री सद्‌गुरू लोकमान्य वाचनालयात पाठवावी, असे आवाहन अध्यक्षांनी केले आहे.

ठाकरेंचे कार्यकर्ते मंत्री राणेंच्या स्वागताला
रत्नागिरी ः रत्नागिरी शहराजवळील नाचणे जिल्हा परिषद गटातील उद्धव ठाकरे शिवसेनेतील शाखाप्रमुखांसह महिला प्रमुखांनी भाजपचे नेते मत्स्य मंत्री नीतेश राणेंच्या स्वागताला हजेरी लावली. नाचणे जिल्हा परिषद गट हा ठाकरे सेनेचा बालेकिल्ला आहे. आज रत्नागिरी दौऱ्यावर आलेल्या मंत्री नीतेश राणे यांनी नाचणे येथे भेट दिली. तेथील कार्यकर्त्यांबरोबर संवाद साधला. नाचणे येथील भाजपचे पदाधिकारी संदीप सुर्वे यांच्या मार्गदर्शनाखाली कार्यक्रमाचे आयोजन केले होते. ठाकरे शिवसेनेतील महिला आघाडी, पुरुष पदाधिकारी व कार्यकर्ते तिथे उपस्थित होते. त्यामध्ये ग्रामपंचायत सदस्य शिवानी रेमुळकर यांच्यासह विशाल औधकर, सुमीत पारकर, देवराज सुर्वे, सौ. अश्विनी शेलार, सौ. प्रमिला ठिक, सौ. मंजिरी चव्हाण, सौ. सुमन घाणेकर, सौ. श्रेया धनोकर यांच्यासह सौ. किरण हातखंबकर, सौ. अनघा मोरे, सौ. माधुरी तिवारी, सौ. संध्या चवंडे, सौ.पूजा ठिक आदी कार्यकर्ते उपस्थित होते. यावेळी भाजप जिल्हाध्यक्ष राजेश सावंत, तालुकाध्यक्ष प्रतीक देसाई, दादा दळी, विवेक सुर्वे, माजी नगराध्यक्ष महेंद्र मयेकर, महिला जिल्हाध्यक्ष वर्षा ढेकणे, शहराध्यक्ष दादा ढेकणे व अन्य पदाधिकारी उपस्थित होते.