स्वच्छ ग्राम स्पर्धेमध्ये कोकणात ‘बापर्डे’ अव्वल
80521
स्वच्छ ग्राम स्पर्धेमध्ये
कोकणात ‘बापर्डे’ अव्वल
१२ ऑगस्टला पुरस्कार वितरण
सकाळ वृत्तसेवा
देवगड, ता. २८ ः संत गाडगेबाबा ग्राम स्वच्छता अभियान अंतर्गत राष्ट्रसंत तुकडोजी महाराज स्वच्छ ग्राम स्पर्धेत तालुक्यातील बापर्डे ग्रामपंचायतीने आर्थिक वर्ष २०१९-२० मधील मूल्यांकनामध्ये कोकण विभागात प्रथम क्रमांक प्राप्त केला. पनवेल येथे १२ ऑगस्टला पुरस्कार वितरण करून त्यांना गौरविण्यात येणार असल्याची माहिती येथील पंचायत समितीने दिली.
तालुक्यातील बापर्डे ग्रामपंचायतीने आजवर विविध अभियानांत यश मिळविले होते. निर्मल ग्राम पुरस्कार, स्मार्ट ग्राम पुरस्कार, असे विविध पुरस्कार प्राप्त केले. आयएसओ मानांकन प्राप्त बापर्डे गावाने स्वच्छतेमध्ये सातत्यपूर्ण व नावीन्यपूर्ण उपक्रम राबविण्यावर भर दिला. या उपक्रमांची पाहणी करण्यासाठी आजवर राज्यातील अनेकांनी ग्रामपंचायतीला भेटी दिल्या होत्या. आता संत गाडगेबाबा ग्राम स्वच्छता अभियान अंतर्गत राष्ट्रसंत तुकडोजी महाराज स्वच्छ ग्राम स्पर्धेत बापर्डे ग्रामपंचायतीने आर्थिक वर्ष २०१९-२० मधील मूल्यांकनामध्ये कोकण विभागात प्रथम क्रमांक प्राप्त केला आहे. सर्वांच्या सांघिक प्रयत्नामुळे हे यश मिळाल्याची भावना सरपंच संजय लाड यांनी व्यक्त केली. या यशाबद्दल येथील प्रभारी गटविकास अधिकारी अरुण चव्हाण यांनी बापर्डे गावाचे अभिनंदन केले. बापर्डे ग्रामपंचायतीला १२ ऑगस्टला सकाळी ११ वाजता पनवेल येथे पुरस्कार देऊन सन्मानित करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.