पटवर्धन हायस्कूलमध्ये शिष्यवृत्तीधारक विद्यार्थ्यांचा सत्कार

‘पटवर्धन’मध्ये शिष्यवृत्तीधारक विद्यार्थ्यांचा सत्कार
रत्नागिरी, ता. २८ : पटवर्धन हायस्कूलमध्ये पाचवी, आठवी शिष्यवृत्ती परीक्षा आणि अन्य परीक्षांमधील गुणवंत विद्यार्थ्यांचा सत्कार करण्यात आला. सत्कार समारंभास भारत शिक्षण मंडळाच्या कार्याध्यक्षा नमिता कीर, प्रमुख पाहुणे म्हणून ज्येष्ठ पत्रकार मनोज मुळ्ये, पदाधिकारी श्रीराम भावे, विनायक हातखंबकर, नित्यानंद भुते, के. एस. पवार व आठल्ये, पालक-शिक्षकसंघाचे उपाध्यक्ष सुनील कीर, पर्यवेक्षिका शिरोळकर, पर्यवेक्षक लवंदे, उपमुख्याध्यापक रूपेश पंगेरकर उपस्थित होते. आठवीच्या राज्य गुणवत्ता यादीत पटवर्धन हायस्कूलचे चार विद्यार्थी झळकले. पाचवी व आठवीच्या शिष्यवृत्ती परीक्षा व आठवी एनएमएमएस शिष्यवृत्ती परीक्षेत पटवर्धन हायस्कूलने यश प्राप्त केले. शिष्यवृत्ती व एनएमएमएस परीक्षेत एकूण ३९ विद्यार्थी गुणवत्ता यादीत चमकले. या गुणवंत विद्यार्थ्यांचा सत्कार संस्था, शाळेतर्फे करण्यात आला. कार्यक्रमाचे प्रास्ताविक मुख्याध्यापिका जानकी घाटविलकर यांनी केले.