रत्नागिरी- ऋतुजा कुळकर्णी बिनविरोध

-rat२८p३४.jpg-
P२५N८०५५१
रत्नागिरी : धामणसे ग्रामपंचायतीच्या उपसरपंचपदी बिनविरोध निवड झाल्याबद्दल ऋतुजा कुळकर्णी यांचे अभिनंदन करताना ग्रामसेवक इंगळे. सोबत सरपंच अमर रहाटे व ग्रामपंचायत सदस्य.
------------
धामणसे उपसरपंचपदी ऋतुजा कुळकर्णी
रत्नागिरी, ता. २८ : तालुक्यातील धामणसे ग्रामपंचायतीच्या विशेष सभेत ऋतुजा उमेश कुळकर्णी यांची बिनविरोध उपसरपंचपदी निवड करण्यात आली. सभेच्या अध्यक्षस्थानी सरपंच अमर रहाटे होते. निवडीनंतर कुळकर्णी यांचा पुष्पगुच्छ देऊन सत्कार करण्यात आला.
लोकसहभागातून विविध कार्यक्रम राबवण्याचा मानस त्यांनी व्यक्त केला. धामणसे ग्रामपंचायतीत दुसऱ्यांदा निवडून येऊन व आज उपसरपंच होताना त्यांनी पती उमेश कुळकर्णी व कुटुंबीय, वॉर्ड नं. २चे सर्व मतदार, ग्रामपंचायत सदस्यांची अशीच साथ मिळावी, असे सांगितले. या वेळी सदस्य, माजी उपसरपंच अनंत जाधव, वैष्णवी धनावडे, रेश्मा डाफळे, समीर सांबरे, संजय गोंनबरे, दीपक रेवाळे आणि सिद्धी कानडे, ग्रामसेवक इंगळे आदी उपस्थित होते. अविनाश लोगडे, विश्वास रहाटे, संतोष जाधव, सूर्यकांत रहाटे, मुकुंद गणेश तथा बाळासाहेब जोशी, श्री. रत्नेश्वर देवस्थान ट्रस्ट अध्यक्ष श्रीकांत देसाई, उपाध्यक्ष अविनाश जोशी, माजी अध्यक्ष शेखर देसाई, विजय लोगडे, गणेश लोगडे, राजेंद्र डाफळे, अनिल जाधव, ग्रामविकास अधिकारी परशुराम इंगळे यांनी त्यांचे अभिनंदन केले.