रानभाज्या जीवनसत्वांचे भांडार
80592
रानभाज्या जीवनसत्वांचे भांडार
दिलीप तळेकर ः तळेरे विद्यालयात विक्री-प्रदर्शन उपक्रम
सकाळ वृत्तसेवा
तळेरे, ता. २८ : पहिल्या पावसानंतर रानभाज्या रुजायला सुरुवात होते. रानभाज्या म्हणजे निरोगी आरोग्याचा व जीवनसत्वांचे भांडार आहे. त्यातून अर्थार्जनही करता येते, असे प्रतिपादन पंचायत समिती कणकवलीचे माजी सभापती दिलीप तळेकर यांनी केले. येथील वामनराव महाडिक माध्यमिक विद्यालय व कनिष्ठ कला, वाणिज्य व विज्ञान महाविद्यालयात आयोजित रानभाज्या व गावठी वस्तूंची विक्री-प्रदर्शन कार्यक्रमात बोलत होते.
यावेळी शिक्षण विभाग सिंधुदुर्ग जिल्हा कार्यक्रम अधिकारी स्मिता नलावडे, तळेरे सरपंच हनुमंत तळेकर, जिल्हा व्यापारी संघटना कार्यवाह चंद्रकांत उर्फ राजू जठार, कणकवली पंचायत समिती विषयतज्ज्ञ सचिन तांबे, नांदगाव केंद्रप्रमुख सद्गुरू कुबल, जी. बी. प्लस टेक्नॉलॉजीच्या संचिता खंडमळे, कासार्डे उपसरपंच गणेश पाताडे, वारगावचे ग्रामस्थ सुधाकर नर, अरुण ताम्हणकर, चंद्रकांत ताम्हणकर, तळेरे पोलिसपाटील चंद्रकांत जाधव, तळेरे व्यापारी संघटना अध्यक्ष दशरथ कल्याणकर, रिक्षा संघटना अध्यक्ष राजकुमार तळेकर, माजी सरपंच चंद्रकांत तळेकर, प्रशालेचे सर्व शाळा समिती सदस्य, प्रा. अविनाश मांजरेकर, सर्व शिक्षक, शिक्षकेतर कर्मचारी, तळेरे क्र. १ शाळेचे शिक्षक श्रीराम विभूते, उद्योजक, पालक, विद्यार्थी उपस्थित होते. प्रशालेचे प्राचार्य तसेच सर्व शिक्षक, शिक्षकेतर कर्मचारी यांनी हा स्तुत्य उपक्रम राबविल्याबद्दल स्मिता नलावडे यांनी प्रशालेचे कौतुक केले.
हा कार्यक्रम प्रशालेचे प्रा. मांजरेकर, ज्येष्ठ शिक्षिका डी. सी. तळेकर, सहायक शिक्षक पी. एन. काणेकर, सर्व शिक्षक, शिक्षकेतर कर्मचारी वृंद व विद्यार्थी यांनी नियोजनबद्धरित्या राबविल्याबद्दल मुख्य कार्यकारी अधिकारी श्रीकृष्ण खटावकर, शाळा समिती अध्यक्ष अरविंद महाडिक, शाळा समिती सदस्य, शिक्षणप्रेमी, ग्रामस्थ, पालक, माजी विद्यार्थी यांनी कौतुक केले. सचिन तांबे यांनी सूत्रसंचालन केले.
----
विद्यार्थ्यांना विक्री कौशल्याचा अनुभव
या प्रदर्शनात कुरडू, शेंडवेल, टाकळा, भारंगी, कुड्याच्या शेंगा, काटला, पेवगा, शेवगा, अळू आदी अनेक प्रकारच्या रानभाज्यांसह कुळीथ, अंडी, आगळ, भाजीची केळी अशा गावठी वस्तूंची विक्री तसेच रानभाज्यांपासून बनविलेले पदार्थ मांडण्यात आले. यानिमित्ताने विक्री-कौशल्याचा विद्यार्थ्यांनी अनुभव घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.