चिपळूण नागरीचे ३० दिवसांत ७ ,५०० ठेवीदारचे उद्दिष्ट

‘चिपळूण पतसंस्थे’चे साडेसात हजार ठेवीदारचे उद्दिष्ट
चिपळूण ः सर्वसामान्यांना बचतीची सवय लागण्यासाठी चिपळूण नागरी सहकारी पतसंस्थेने श्रावण मासानिमित्त ठेव वृद्धीमास योजना सुरू केली. दररोज संस्थेच्या ५० शाखांतर्गत प्रत्येकी शाखानिहाय ५ असे एकूण २५० ठेवीदार एका दिवसांत तर ३० दिवसांत ७ हजार ५०० ठेवीदार करण्याचे उद्दिष्ट असल्याची माहिती संस्थापक अध्यक्ष सुभाषराव चव्हाण व मुख्य कार्यकारी अधिकारी स्वप्ना यादव यांनी दिली.
यादव म्हणाल्या, चिपळूण नागरीने श्रावण मासानिमित्त ठेववृद्धी मास योजना सुरू केली आहे. ही योजना २५ जुलै ते २३ ऑगस्ट या कालावधीसाठी असून, या योजनेंतर्गत दरमहा १ हजार २७५ रुपये पाच वर्षांसाठी जमा केल्यानंतर ठेवीदारांना १ लाख रुपये मिळणार आहेत. त्याचप्रमाणे इतरही मुदत ठेव योजनांना योग्य व्याजदर देण्याचे नियोजन केले आहे. दरदिवशी प्रत्येकी शाखानिहाय २ लाख रुपये ठेवींची वाढ करण्याचा संकल्प सोडण्यात आला आहे.