संदीप गावडे यांचा वाढदिवस सावंतवाडीत विविध उपक्रमांनी

swt297.jpg
80757
सावंतवाडीः संदीप गावडे यांच्या वाढदिवसानिमित्त स्वच्छता कर्मचाऱ्यांना रेनकोट वाटप करण्यात आले.

संदीप गावडे यांचा वाढदिवस
सावंतवाडीत विविध उपक्रमांनी
सकाळ वृत्तसेवा
सावंतवाडी, ता. २९ः युवा नेते संदीप गावडे यांनी आपला वाढदिवस दरवर्षीप्रमाणे याहीवर्षी विविध समाजोपयोगी कार्यक्रमांनी साजरा करत सामाजिक बांधिलकी जपली. त्यांच्या या कार्याचे विविध स्तरांतून कौतुक होत असून, त्यांना वाढदिवसाच्या शुभेच्छा देण्यात आल्या.
श्री. गावडे यांनी वाढदिवसानिमित्त येथील पालिकेच्या स्वच्छता कर्मचाऱ्यांसाठी रेनकोटचे वाटप केले. सावंतवाडी शहर स्वच्छ ठेवण्यासाठी हे कर्मचारी ऊन-पावसाची पर्वा न करता अथकपणे काम करतात. त्यांच्या या समर्पित कार्याला सलाम म्हणून गावडे यांनी रेनकोट प्रदान केले. याचबरोबर सांगेली येथील प्राथमिक आरोग्य केंद्राला रुग्णांच्या सेवेसाठी आवश्यक असलेली सक्शन मशीन भेट दिली. ही मशीन आपत्कालीन परिस्थितीत रुग्णांच्या उपचारासाठी उपयुक्त ठरणार आहे. या कार्यक्रमावेळी गेळे ग्रामपंचायतीचे सरपंच सागर ढोकरे, जिल्हा बँकेचे संचालक रवींद्र माडगावकर, पंढरी राऊळ, सांगेलीचे सरपंच लवू भिंगारे, मनीष परब, निहाल शिरसाट, प्राथमिक आरोग्य केंद्राचे वैद्यकीय अधिकारी डॉ. पटवर्धन यांच्यासह मान्यवर उपस्थित होते.
दाणोली येथेही श्री. गावडे यांच्या वाढदिवसाचे औचित्य साधून दाणोली बाजारवाडी बूथच्या वतीने आरोग्य तपासणी शिबिर व औषध वाटप उपक्रमाचे आयोजन करण्यात आले. या उपक्रमाचे उद्घाटन संदीप गावडे यांच्या हस्ते करण्यात आले. या शिबिरामध्ये विविध आजारांची तपासणी, प्राथमिक औषधोपचार आणि आरोग्यविषयक मार्गदर्शन करण्यात आले.