चेंदवणकर कुटुंबीयांना आमदार राणेंकडून मदत

80752

चेंदवणकर कुटुंबीयांना
आमदार राणेंकडून मदत
कुडाळ, ता. २९ ः चेंदवण येथील भारतरत्न डॉ. आंबेडकरनगर येथील अनंत चेंदवणकर यांना आमदार नीलेश राणे यांनी मदतीचा हात दिला. शिवसेना जिल्हाप्रमुख दत्ता सामंत व नेते संजय पडते यांच्या माध्यमातून आर्थिक मदत सुपूर्द केली. पत्रे व अन्य साहित्य टेंपोने पाठवून घराच्या कामाला तत्काळ सुरुवात करण्यात आली. चेंदवणकर यांच्या घरावर शुक्रवारी (ता. २५) फणसाचे झाड पडून मोठे नुकसान झाले होते. चेंदवणकर हे आजारग्रस्त असल्याने सध्या कुटुंबाला घर दुरुस्तीसाठी तत्काळ मदतीची गरज होती. याबाबत आमदार राणे यांना समजताच जिल्हाप्रमुख सामंत व संजय पडते यांच्या माध्यमातून चेंदवणकर यांच्या पत्नीकडे आर्थिक मदत दिली. घर दुरुस्तीसाठी लागणारे सर्व साहित्य पाठवून तत्काळ काम सुरू केले. तालुकाप्रमुख विनायक राणे, संघटक रुपेश पावसकर, दशावतार राज्य कमिटी सदस्य देवेंद्र नाईक, नेरुर विभाग प्रमुख किशोर सावंत, युवासेना उपजिल्हाप्रमुख संदेश नाईक आदी उपस्थित होते.
...................
80753

‘सिंधुदुर्ग टॅलेंट’ परीक्षेत
स्पृहा आरोंदेकरचे यश
सावंतवाडी, ता. २९ ः युवा संदेश प्रतिष्ठान आयोजित सिंधुरत्न टॅलेंट सर्च २०२५ परीक्षेत स्टेपिंग स्टोन ग्लोबल स्कूलची विद्यार्थिनी स्पृहा आरोंदेकर हिने नेत्रदीपक यश प्राप्त केले. सिंधुदुर्ग जिल्ह्यातील अनेक विद्यार्थ्यांनी या परीक्षेत सहभाग घेतला.
सहभागी विद्यार्थ्यांपैकी पहिल्या ५० विद्यार्थ्यांमध्ये स्पृहा हिने सुवर्णपदक पटकावले. मान्यवरांच्या हस्ते तिला प्रशस्तीपत्र देऊन गौरविण्यात आले. हा बक्षीस वितरण सोहळा रविवारी (ता. २७) कणकवली येथे भगवती मंगल कार्यालयात झाला. प्रशालेचे संस्थापक रुजुल पाटणकर, मुख्याध्यापिका प्राची साळगावकर यांनी स्पृहाचे कौतुक केले व पुढील वाटचालीसाठी प्रोत्साहन दिले.