भाजपाची लांजा तालुका कार्यकारिणी जाहीर

भाजप लांजा तालुका कार्यकारिणी जाहीर
लांजा ः लांजा तालुका भाजप दक्षिण मंडळाची नूतन कार्यकारिणी अध्यक्ष शैलेश खामकर यांनी जाहीर केली. तालुका भाजपच्या दक्षिण मंडळाचे अध्यक्ष म्हणून शैलेश खामकर यांची यापूर्वीच निवड केली होती. यानंतर खामकर यांनी दक्षिण मंडळाची कार्यकारिणी जाहीर केली आहे. या नूतन कार्यकारिणीच्या उपाध्यक्षपदी अनिल पन्हळेकर, दीपाली कदम, अनन्या पालकर, प्रमोद कुरूप, गुरुप्रसाद तेली, अंजली कांबळे यांची निवड करण्यात आली असून, सरचिटणीस म्हणून सुनील गुरव आणि शिवाजी पराडकर यांची निवड करण्यात आली आहे. चिटणीसपदी समीरा सुर्वे, परेश नामे, सुयोग तोडकरी, मंगेश लांजेकर, नामदेव राजापकर, शीतल सावंत यांची निवड करण्यात आली. कोषाध्यक्षपदी सुरेश कांबळे यांची निवड करण्यात आली आहे.