कोलगावात नागपंचमीलाच घरामध्ये अवतरले नागराज

80879

कोलगावात नागपंचमीलाच
घरामध्ये अवतरले नागराज

सकाळ वृत्तसेवा
सावंतवाडी, ता. २९ ः नागपंचमी दिवशी चक्क खऱ्या नागाने दर्शन दिल्याची घटना क्वचितच घडत असते. तालुक्यातील कोलगाव येथील रघुनाथ कोरगावकर यांच्या घराच्या दारातच आज दुपारी नागराज अवतरले आणि कुटुंबाला सुखद धक्का दिला.
नागपंचमीचे निमित्त साधून सर्वजण घरात नागाचे पूजन करतात. मात्र, एखाद्याच्या घरात चक्क नागदेवता प्रकट होणे, हे क्वचितच घडत असते. इतरवेळी नागाचे दर्शन अनेकांना होते. मात्र, नागपंचमीच्या दिवशी नागराज घरात येण्याच्या घटना दुर्मीळ असतात. कोलगाव येथील रघुनाथ कोरगावकर यांच्या घरात आज नागदेवतेने दर्शन दिले. या नागराजाने घरामागून येत थेट पायरीवरून घरात प्रवेश केला. त्यानंतर कोरगावकर कुटुंबाने त्याची पूजा करून आशीर्वाद घेतले.