''नारळ लढविणे''मध्ये चंदन दळवी प्रथम

80982

‘नारळ लढविणे’मध्ये चंदन दळवी प्रथम
मुणगेत स्पर्धेस प्रतिसाद; यंगस्टार देऊळवाडी मित्रमंडळाचा उपक्रम
सकाळ वृत्तसेवा
मुणगे, ता. ३० ः येथील यंगस्टार मित्रमंडळ, देऊळवाडी यांच्या वतीने आयोजित केलेल्या नारळ लढविणे स्पर्धेमध्ये चंदन दळवी यांनी प्रथम, तर मनोज मुणगेकर यांनी द्वितीय क्रमांक पटकावला.
श्रावण सुरू झाला की, मराठी सण, उत्सव सुरू होतात. नागपंचमी हा पहिलाच सण गावामध्ये उत्साहात साजरा झाला. आता वेध लागले आहेत नारळी पौर्णिमेचे. या उत्सवाच्या निमित्ताने नारळी पौर्णिमेपर्यंत नारळ लढविणे या स्पर्धा होतात. नागपंचमीच्या निमित्ताने येथील यंगस्टार मित्रमंडळ देऊळवाडीच्या वतीने देवी भगवती मंदिरासमोर पंचक्रोशीतील तरुणांसाठी नारळ लढविण्याची स्पर्धा आयोजित करण्यात आली. यामध्ये प्रथम व द्वितीय क्रमांकासाठी आकर्षक, असे चषक हिंदळे येथील सामाजिक कार्यकर्ते चंदन दळवी यांनी दिले, तर द्वितीय क्रमांकासाठी रोख रक्कम एक हजार रुपये दिगंबर बागवे यांनी देणगी दिली. स्पर्धेमध्ये प्रथम क्रमांक चंदन दळवी (हिंदळे-सडेवाडी) यांनी मिळविला. त्यांना आकर्षक चषक व मंडळाच्या वतीने रोख दोन हजार व गुलाब पुष्प देऊन मान्यवरांच्या हस्ते सन्मानित करण्यात आले. द्वितीय क्रमांक मनोज मुणगेकर याना आकर्षक चषक, एक हजार रुपये व गुलाब पुष्प देऊन मान्यवरांच्या हस्ते सन्मानित करण्यात आले.
या स्पर्धेमध्ये पंचक्रोशीतील ४६ स्पर्धकांनी सहभाग घेतला. यावेळी मंडळाचे कार्यकर्ते दादा वळंजू, केदार वळंजू, गोरख वळंजू, मेघेश वळंजू, कृष्णकांत गुरव, संदीप परब, पोलिसपाटील साक्षी सावंत, गोविंद सावंत, रणजित आईर, गणेश आईर, रितेश आईर, तेजस शेट्ये, सुरबा सावंत, सुनील सावंत, पारस वळंजू, जगन्नाथ हिर्लेकर, नंदकुमार घाडी, ग्रामपंचायत सदस्या साक्षी गुरव, स्मिता वळंजू, पवित्रा वळंजू, मोहन परब, नीलेश गुरव, विजय परब, आदी उपस्थित होते.
या स्पर्धेमध्ये नंदकुमार बागवे, गणेश राऊळ, इशांत गुरव, ओंमकार सावंत, केदार घाडी, युवराज मेस्त्री, अथर्व सावंत, शिवदास रासम, वसंत मेस्त्री, सोहम घाडी, सोमनाथ घाडी, धोंडी मेस्त्री, सुमित राणे, दुलाजी सावंत, मनोज मुणगेकर, सुजल चव्हाण, आदेश सावंत, अनिकेत घाडी, अथर्व परब, लवू बागवे, हेमंत तेली, केदार चव्हाण, पृथ्वीराज घाडी, पारस मयेकर, सर्वेश घाडी, दिनेश तळवडकर आदींनी सहभाग घेतला.