ब्रेक निकामी झाल्यामुळे भोस्ते घाटात कंटेनर उलटला

rat३०p२७.jpg ः
२५N८१०५७
खेड - भोस्ते घाटात पलटी झालेला कंटेनर.
----
भोस्ते घाटात कंटेनर उलटला
ब्रेक निकामी झाल्यामुळे घटना ; वाहनाचे नुकसान
सकाळ वृत्तसेवा
खेड, ता. ३० : मुंबई-गोवा महामार्गावरील तालुक्यातील भोस्ते घाटात आज सकाळी एक कंटेनर उलटला. हा कंटेनर गोव्याहून मुंबईच्या दिशेने जात होता. अपघातात वाहनाचे मोठ्या प्रमाणात नुकसान झाले आहे. प्राथमिक माहितीनुसार, कंटेनर उतारावर असताना ब्रेक फेल झाल्यामुळे तो रस्त्यावर उलटला.
भोस्ते घाटात यापूर्वीही अशा प्रकारचे अपघात घडले आहेत. तीव्र उतार आणि अवघड वळणांमुळे हे ठिकाण वाहनचालकांसाठी धोकादायक ठरत आहे. या ठिकाणी अपघातांमुळे मोठ्या प्रमाणात वित्तहानी होते आणि काहीवेळा जीवितहानीही होते. स्थानिक नागरिकांसह वाहनचालकांनी अनेकवेळा सुरक्षेच्या उपाययोजनांची मागणी केली आहे. वळणांवर सावधतेचे फलक, स्पीडब्रेकर आणि ब्रेक तपासणी केंद्रे अशा पायाभूत सुविधा देण्याची गरज वारंवार अधोरेखित केली जात आहे; मात्र, प्रशासनाकडून या मागण्यांकडे अद्याप दुर्लक्ष होत असल्याचे पाहावयास मिळत आहे. या अपघातानंतर काही वेळ वाहतूक विस्कळीत झाली होती; मात्र पोलिस आणि प्रशासनाच्या तत्परतेमुळे ती लवकरच पूर्वपदावर आली. आता या मार्गावर सुरक्षिततेसाठी तातडीने उपाययोजना कराव्यात, अशी मागणी जोर धरू लागली आहे.