गैरप्रकार, नशेखोरी टाळण्यासाठी सजग रहा

-rat३०p२८.jpg-
२५N८१०६९
राजापूर ः सामाजिक सलोखा बैठकीमध्ये मार्गदर्शन करताना साहाय्यक पोलिस निरीक्षक प्रमोद वाघ.
------
गैरप्रकार, नशाखोरी टाळण्यासाठी सजग रहा
प्रमोद वाघ ः नाटे पोलिस ठाण्यात सलोखा समितीची बैठक
सकाळ वृत्तसेवा
राजापूर, ता. ३० : आगामी गणेशोत्सव आणि दहीहंडी उत्सवाच्या पार्श्वभूमीवर नाटे सागरी पोलिस ठाण्याच्यावतीने सामाजिक सलोखा समितीची बैठक घेण्यात आली. साहाय्यक पोलिस निरीक्षक प्रमोद वाघ यांनी उत्सव शांततेत पार पाडण्याचे आवाहन केले. गावोगावी होणाऱ्या कार्यक्रमांमध्ये गैरप्रकार किंवा नशाखोरी टाळण्यासाठी नागरिकांनी सजग राहावे व पोलिसांना तत्काळ माहिती द्यावी, असे आवाहन केले.
बैठकीला विश्वास करंगुटकर, नदीम तमके, संतोष चव्हाण, संजय नाटेकर, वजुद बेबजी, राजाराम पारकर, राजन लाड, समीर सोलकर, दशरथ मांजरेकर, नंदू मिरगुले, मजीद सायेकर, पंढरीनाथ वाडेकर, देवेंद्र करगुटकर, प्रसाद करगुटकर आदींसह सामाजिक सलोखा, शांतता कमिटी सदस्यांसह ग्रामस्थ उपस्थित होते. सार्वजनिक शांतता राखणे, सर्वधर्मीयांमध्ये सौहार्द कायम ठेवणे, सोशल मीडियाचा जबाबदारीने वापर करणे तसेच अमली पदार्थांविरोधात कठोर कारवाई करणे याबाबत चर्चा करण्यात आली. धार्मिक तेढ, समाजात द्वेष पसरवणारे किंवा अफवा पसरवणारे संदेश व्हॉट्सअ‍ॅप, फेसबुकसारख्या सोशल मीडियावर प्रसारित केल्यास संबंधित व्यक्तींवर कडक कायदेशीर कारवाई करण्यात येईल, असे पोलिसांनी सांगितले.