कोनाळ येथे शनिवारपासून जिल्हास्तरीय भजन स्पर्धा

कोनाळ येथे शनिवारपासून
जिल्हास्तरीय भजन स्पर्धा
सकाळ वृत्तसेवा
दोडामार्ग, ता. ३० : श्री देवी कुलदेवता खंडेराय भवानी प्रासादिक भजन मंडळातर्फे आयोजित जिल्हास्तरीय निमंत्रित खुली भजन स्पर्धा २ आणि ३ ऑगस्टला रात्री श्री खंडेराय भवानी मंदिर कोनाळ येथे होणार आहे. या स्पर्धेसाठी माजी शिक्षण मंत्री तथा आमदार दीपक केसरकर यांचे विशेष सहकार्य लाभले आहे. त्यांच्याकडून सहभागी संघांना मानधन, सन्मानचिन्ह आणि प्रमाणपत्र देऊन गौरविण्यात येणार आहे. उद्योजक विशाल परब यांनीही स्पर्धेला सहकार्य केले आहे. स्पर्धेत एकूण सात संघांचा सहभाग आहे. स्पर्धेचे उद्घाटन शनिवारी (ता. २) सायंकाळी ६ वाजता होईल. रात्री ८ वाजता श्री माऊली भजन मंडळ कोलझर, श्री विठ्ठल रुक्माई भजन मंडळ बोडदे आणि श्रीदेवी सातेरी राष्ट्रोळी भजन मंडळ कसई दोडामार्ग यांचे सादरीकरण होईल.
रविवारी (ता. ३) सायंकाळी ६ वाजता श्री दत्तगुरु प्रासादिक भजन मंडळ तेंडोली, श्री महापुरुष प्रासादिक भजन मंडळ पिंगुळी, श्री मोरेश्वर प्रासादिक भजन मंडळ नेरुर, सद्गुरू प्रासादिक भजन मंडळ अणसूर, श्री स्वामी समर्थ प्रासादिक भजन मंडळ कलंबिस्त, स्वरधारा प्रासादिक भजन मंडळ तांबोळी आणि स्वराभिषेक भजन मंडळ मणेरी हे संघ कला सादर करतील.
स्पर्धेचा निकाल मध्यरात्री जाहीर होऊन लगेच बक्षीस वितरण केले जाईल. स्पर्धेसाठी प्रथम १० हजार, द्वितीय ७ हजार, तृतीय ५ हजार तसेच उत्तेजनार्थ २ हजार रुपये बक्षीस देण्यात येईल. स्पर्धेचे व्यवस्थापन श्री देवी भवानी डेकोरेटर्स भालचंद्र लोंढे आणि कोनाळ ग्रामस्थ करणार आहेत.