रोटरॅक्ट क्लब ऑफ बांदातर्फे इन्सुली शाळेला पाण्याची टाकी
81079
रोटरॅक्ट क्लब ऑफ बांदातर्फे
इन्सुली शाळेला पाण्याची टाकी
सकाळ वृत्तसेवा
बांदा, ता. ३०ः रोटरॅक्ट क्लब ऑफ बांदाच्या वतीने सामाजिक बांधिलकीतून इन्सुली येथील प्राथमिक शाळा क्रमांक ८ ला पाण्याची टाकी देण्यात आली. यामुळे विद्यार्थ्यांना स्वच्छ पाण्याची सुविधा उपलब्ध होणार आहे. श्रावण सोमवारच्या निमित्ताने शाळेतील तसेच अंगणवाडीमधील चिमुकल्यांना दूध व केळी वाटप करण्यात आले. विद्यार्थ्यांच्या बुद्धीला चालना देणारे विविध खेळ, स्पर्धा आयोजित करण्यात आल्या. मुलांनीही या उपक्रमात उत्स्फूर्तपणे भाग घेतला.
कार्यक्रमात उपस्थित रोटरॅक्ट अध्यक्ष रोहन कुबडे यांनी विद्यार्थ्यांना स्वच्छता, अभ्यासाची गोडी व मैत्रीचे महत्त्व सांगत प्रेरणादायी मार्गदर्शन केले. रोटरी व रोटरॅक्ट क्लबचे सदस्य विराज परब, रोटरॅक्ट सदस्य संकेत वेंगुर्लेकर, आयुष गवस, दत्तराज चिंदरकर आणि मनीषा खानगावकर यांनी शाळेतील शिक्षक व विद्यार्थ्यांसोबत संवाद साधत पुढेही असे उपक्रम राबविण्याचे आश्वासन दिले. शाळेचे शिक्षक व अंगणवाडी सेविकांनी रोटरॅक्ट क्लबच्या या सामाजिक उपक्रमाचे कौतुक करून अशा प्रकारच्या उपक्रमांमुळे ग्रामीण भागातील शाळांना दिलासा मिळतो, असे सांगितले. ग्रामस्थांनीही या उपक्रमांचे स्वागत करत भविष्यात शाळेच्या इतर गरजांमध्येही रोटरॅक्ट क्लबचा सहभाग लाभावा, अशी अपेक्षा व्यक्त केली. कार्यक्रम यशस्वी करण्यासाठी क्लबच्या सर्व सदस्यांनी मेहनत घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.