कणकवली : फोटोग्राफर असोसिएशन मदत

81111

कणकवली ‘फोटोग्राफर’ची
मुसळे कुटुंबास आर्थिक मदत
कणकवली, ता. ३० ः तालुक्‍यातील कलमठ येथील छायाचित्रकार नितीन मुसळे यांचे निधन झाले. त्‍यांच्या कुटुंबियांना आज कणकवली तालुका फोटोग्राफर असोसिएशनच्यावतीने २५ हजार रूपयांची आर्थिक मदत सुपूर्त करण्यात आली.
नितीन यांनी कठीण परिस्थितीमध्ये शिक्षण घेतले. त्‍यानंतर कणकवली बाजारपेठेत फोटोग्राफीचा व्यवसाय सुरू केला होता. फोटोग्राफी सोबत चहा, नाष्‍टा स्टॉलही सुरू केला होता. मात्र त्‍यांचे निधन झाले. मुसळे यांचे कुटुंब पोरके झाल्याची दखल घेत कणकवली तालुका फोटोग्राफर असोसिएशनच्या सर्व फोटोग्राफर यांच्या वतीने २५ हजार रुपयांची आर्थिक मदत करत सहकार्य केले. यावेळी संजोग सावंत, विलास गुडेकर, विनोद दळवी, विनायक पारधिये, हेमंत काळसेकर, योगेश चव्हाण आदी उपस्थित होते.