राजापूर महिला पतसंस्थेतर्फे वृक्षलागवड

- rat३१p९.jpg-
P२५N८११७१
राजापूर ः वृक्षलागवड करताना राजापूर महिला नागरी पतसंस्थेचे संचालक आणि कर्मचारी वृंद.
---
राजापूर महिला पतसंस्थेतर्फे वृक्षलागवड
सकाळ वृत्तसेवा
राजापूर, ता. ३१ : रौप्य महोत्सवी वर्षानिमित्त राजापूर महिला नागरी सहकारी पतसंस्थेने निसर्ग संवर्धनासाठी कार्यालय परिसरात वृक्षलागवड केली.
पतसंस्थेच्या परिसरात झालेल्या वृक्ष लागवड कार्यक्रमावेळी पर्यावरणप्रेमी धनंजय मराठे यांनी उपस्थितांना वृक्षसंवर्धन आणि संगोपनासंबंधित मार्गदर्शन केले. राजापूर महिला नागरी सहकारी पतसंस्थेतर्फे रौप्य महोत्सवी वर्षानिमित्त विविध सामाजिक बांधिलकी जोपासणारे उपक्रम राबवले जात आहेत. त्यात पर्यावरण जतन आणि संवर्धनाच्या उद्देशाने धारतळेसह अन्य भागात विविध प्रकारच्या झाडांची लागवड केली. त्यासाठी मराठे यांच्यासह अमोल सिनकर यांचे सहकार्य लाभले. या वेळी संस्थेच्या सर्व संचालक मंडळासह कर्मचारीवृंद, पिग्मी एजंट आदी उपस्थित होते.