हरकूळखुर्द येथील विद्यामंदिरच्या दहावीतील गुणवंतांचा सत्कार

kan311.jpg
81267
हरकूळखुर्दः येथील विद्यामंदिरच्या गुणवंत विद्यार्थ्यांचा सत्कार मान्यवराच्या हस्ते झाला.
------------------
हरकूळखुर्द येथील विद्यामंदिरच्या
दहावीतील गुणवंतांचा सत्कार
हरकुळ खुर्द, ता. ३१ः येथील विद्यामंदिर या प्रशालेतील दहावीतील गुणवंत विद्यार्थ्यांचा गुणगौरव व पारितोषिक वितरण झाला. प्रास्ताविक मुख्याध्यापक श्री. यादव यांनी केले. कार्यक्रमाचे प्रमुख पाहुणे सरपंच राजन रासम यांच्या प्रमुख उपस्थितीत दीपप्रज्वलन व सरस्वती पूजन करण्यात आले. व्यासपीठावर हरकूळखुर्द शिक्षण प्रसारक मंडळ मुंबईचे अध्यक्ष विठ्ठल रासम, उपसरपंच सर्वेश दळवी, पोलिस पाटील आरती घाडी, चेअरमन आशुतोष रासम, गंगाधर रासम, अशोक रासम, अनिल सावंत, विद्याधर वालावलकर, बाबाजी दळवी, विशांत रासम, तानाजी रासम, रोहित घाग, पांडुरंग रासम, धोंडी अण्णा, दत्तात्रेय जोशीर, राजेंद्र डिचवलकर आदी उपस्थित होते.
प्रशालेतून तसेच फोंडाघाट केंद्रातून प्रथम येण्याचा मान मिळवलेल्या अनुक्रमे स्वराली विलास भोसले (९५.६० टक्के), संध्या तेली (८८.४०), कार्तिकी डोंगरे (८४.४०) तसेच इतर गुणवंत विद्यार्थ्यांचा सत्कार मान्यवरांच्या हस्ते रोख रक्कम व भेटवस्तू देऊन करण्यात आला. प्रशालेतून प्रथम येण्याचा मान मिळवलेल्या स्वराली भोसले हिने मनोगत व्यक्त केले तसेच धोंडी अण्णा, बाबाजी दळवी, विठ्ठल रासम यांनी मोलाचे मार्गदर्शन केले.