फुणगुस येथे वळणावर अपघात, ट्रक दरीत कोसळला

rat३१p४३.jpg -
२५N८१२९५
अपघातग्रस्त ट्रक.

गुगल मॅप लावला ट्रक दरीत कोसळला
फुणगूस येथील घटना; वाहनाचे नुकसान
सकाळ वृत्तसेवा
संगमेश्वर, ता. ३१ ः संगमेश्वर तालुक्यातील फुणगूस येथील अवघड वळणावर पुन्हा त्याच ठिकाणी आज गुरूवारी सकाळी १० वाजता दुसरा अपघात झाला आहे. गोव्याहून वसईकडे जाताना गुगल मॅपद्वारे फुणगूसमार्गे हा ट्रक चालला होता. फुणगूस येथील अवघड वळणार गाडीवरील ताबा सुटल्याने अपघात झाला. सुदैवाने, चालकाने गाडीतून उडी मारल्यामुळे जीवितहानी टळली.
दोन दिवसापूर्वी याच ठिकाणी केमिकल टँकरचा अपघात झाला होता. १५ दिवसातील हा तिसरा अपघात आहे. वारंवार घडणाऱ्या या अपघाताने ग्रामस्थ भयभीत झाले आहेत. सविस्तर वृत्त असे की, पार्लेजी पेपर रॅपिंग रोल घेऊन ट्रक गोव्याहून वसईकडे चालला होता. यामध्ये सात टन माल होता. फुणगूस येथे अवघड वळणावर चालकाचा ताबा सुटला आणि ट्रक थेट ३०-४० फूट खोल दरीत कोसळला. या वेळी चालकाने गाडीतून उडी मारल्याने बचावला. अपघाताच्या मोठ्या आवाजाने ग्रामस्थांनी धाव घेतली आणि मदत केली. ग्रामस्थ किरण भोसले, साहीम खान, प्रशांत थुळ, सुभाष लांजेकर, जमीर नाईक, गावातील ग्रामस्थ यांनी मदत केली.
बारा दिवसापूर्वी मोटार दरीत कोसळली होती. त्यानंतर दोन दिवसापूर्वी टेम्पो कोसळला होता. त्या वेळेला गावातील ग्रामस्थ किरण भोसले आणि साहिल खान यांनी दोन दिवस अहोरात्र मेहनत घेतली. त्यानंतर आज पुन्हा ट्रक दरीत कोसळून मोठे नुकसान झाले आहे. या अपघाताची माहिती पोलिस पाटील यांनी संगमेश्वर पोलिस ठाण्याला दिली. पोलिस घटनास्थळी दाखल झाले आणि पंचनामा केला.