आचरा येथे बुधवारी नारळ लढविणे स्पर्धा

आचरा येथे बुधवारी
नारळ लढविणे स्पर्धा
आचरा : शिवसेना उद्धव ठाकरे गट, आचरा यांच्यातर्फे बुधवारी (ता. ६) दुपारी ३ वाजता आचरा तिठा येथे नारळ लढविणे स्पर्धेचे आयोजन केले आहे. यासाठी प्रथम ५ हजार रुपये व आकर्षक चषक, द्वितीय ३ हजार व चषक देण्यात येणार आहे. प्रथम येणाऱ्या ७० स्पर्धकांना यात सहभाग घेता येणार आहे. पाच नारळ मंडळाकडून देण्यात येतील. या कार्यक्रमाचे औचित्य साधून माजी आमदार वैभव नाईक यांच्या हस्ते आचरा रिक्षा संघटना अध्यक्ष व उपाध्यक्ष तसेच होमगार्ड कर्मचारी यांचा सत्कार करण्यात आहे. अधिक माहितीसाठी रुपम टेमकर, माणिक राणे, लिलेश मांजरेकर, विद्यानंद परब, सचिन रेडकर, प्रसाद टोपले यांच्याशी संपर्क साधण्याचे आवाहन केले आहे.
....................
वजराटला शनिवारी
रक्तदान शिबिर
वेंगुर्ले ः वजराट ग्रामपंचायत आणि श्री सातेरी वाचनालय व गुरुमाऊली माई मांजरेकर ग्रंथ संग्रहालय, वजराट यांच्या संयुक्त विद्यमाने शनिवारी (ता. ९) सकाळी ९ ते दुपारी १२ या वेळेत वजराट ग्रामपंचायत सभागृहात रक्तदान शिबिर आयोजित केले आहे. या शिबिरात सहभागी होणाऱ्या रक्तदात्यांनी आनंद पुराणिक यांच्याशी संपर्क साधून नोंदणी करावी. या रक्तदान शिबिरांत जास्तीतजास्त रक्तदात्यांनी सहभाग घ्यावा, असे आवाहन आयोजकांनी केले आहे.
.....................
मालवणात १५ पासून
ओव्हरआर्म क्रिकेट
मालवण ः जन्माष्टमीचे औचित्य साधून महापुरुष रेवतळे मित्रमंडळ आयोजित ‘एक गाव एक संघ’ अंतर्गत ओव्हरआर्म क्रिकेट स्पर्धा १५ ते १७ ऑगस्ट या कालावधीत महापुरुष रेवतळे मैदान येथे होणार आहे. स्पर्धेतील विजेत्या संघास २२ हजार व चषक, उपविजेत्या संघाला ११ हजार रुपये व चषक तसेच मालिकावीर, उत्कृष्ट फलंदाज, गोलंदाज, उत्कृष्ट क्षेत्ररक्षक अशी वैयक्तिक बक्षिसे देऊन गौरविण्यात येणार आहे. अंतिम सामन्यात प्रवेश करणाऱ्या दोन्ही संघांना दहीडंडी फोडण्याची संधी देण्यात येणार आहे. अधिक माहितीसाठी पायस आल्मेडा यांच्याशी संपर्क साधावा.