संत राऊळ महाविद्यालयात मानवी तस्करी विरोधी दिन

81657

संत राऊळ महाविद्यालयात
मानवी तस्करीविरोधी दिन

सकाळ वृत्तसेवा
कुडाळ, ता. २ ः संत राऊळ महाराज महाविद्यालयामध्ये मानवी तस्करीविरोधी दिनानिमित्त महाविद्यालयाच्या महिला विकास कक्षातर्फे ‘द गार्डियन’ या लघुपटाचे प्रदर्शन व चर्चा असा अभिनव कार्यक्रम झाला.
कार्यक्रमाच्या अध्यक्षस्थानी महाविद्यालयाच्या प्राचार्या डॉ. स्मिता सुरवसे होत्या. महिला विकास कक्षाच्या समन्वयक डॉ. शरयू आसोलकर यांनी स्वागत केले. यावेळी प्रा. सुरवसे म्हणाल्या की, मानवी तस्करीविरोधी दिन दिनानिमित्त लघुपटाद्वारे हा विषय विद्यार्थ्यांपर्यंत पोहोचविणे, हा कार्यक्रमाचा उद्देश आहे. मानवी तस्करी छुप्या पद्धतीने मोठ्या प्रमाणात होत असते. त्याला प्रामुख्याने स्त्रिया बळी पडतात. त्यांचे अनेक प्रकारचे शोषण होते. शिवाय मानवी तस्करी होत असते. आपल्या आजूबाजूला घडणाऱ्या अशा घटनांबाबत आजच्या तरुण पिढीने सतर्क राहणे गरजेचे आहे. उपस्थित विद्यार्थ्यांतर्फे सुचिता मांजरेकरने अशा कार्यक्रमांची आवश्यकतेबाबत मत व्यक्त केले. कॅ. डॉ. एस. टी. आवटे, डॉ. व्ही. जी. भास्कर, डॉ. बी. ए. तुपेरे, डॉ. कमलाकर चव्हाण, प्रा. अनुराधा गावडे, प्रा. स्वप्नजा चांदेकर आदी उपस्थित होते.