रत्नागिरी- गणेशोत्सव सजावट स्पर्धा

भाजपतर्फे घरगुती गणेशोत्सव
सजावट स्पर्धेचे आयोजन
सकाळ वृत्तसेवा
रत्नागिरी, ता. ३ : भाजप शहर सरचिटणीस नीलेश आखाडे यांच्यातर्फे प्रभाग क्रमांक ६ व ७ मधील रहिवाशांकरिता ऑनलाइन गणेशोत्सव सजावट स्पर्धा रत्नागिरी शहर प्रभाग क्रमांक ६ साठी आयोजित केली आहे. गेल्यावर्षी या स्पर्धेला खूप चांगला प्रतिसाद मिळाला होता.
कोकणातील सगळ्यात मोठा उत्सव म्हणजे गणेशोत्सव आहे. गणेशोत्सवानिमित्त कोकणामध्ये मोठी धामधूम पाहायला मिळते. अनेक चाकरमानी आपापल्या गावी घरी गणेशोत्सव निमित्त येतात. अतिशय आनंदाने उत्साहाने श्री गणेशासाठी सजावट करून गणेशमूर्ती स्थापन करतात. त्यांचा उत्साह अधिक वाढावा, यासाठी याही वर्षी गणेशोत्सव सजावट स्पर्धा आयोजित केली आहे, असे आखाडे यांनी सांगितले. घरगुती बाप्पाचा आणि सजावटीचा फोटो व छोटी रिल तयार करून पाठवायचे आहे. यातून प्रथम, द्वितीय आणि तृतीय असे क्रमांक काढले जाणार आहेत. प्रथम क्रमांकास ३,३३३, सन्मानचिन्ह, द्वितीय २,२२२ सन्मानचिन्ह, तर तृतीय १,१११ सन्मानचिन्ह देऊन गौरवण्यात येणार आहे.