रत्नागिरी- टिळक स्मृती वक्तृत्व स्पर्धा

81803

आनंदीबाई अभ्यंकर बालकमंदिरात
टिळक स्मृती वक्तृत्व स्पर्धा
सकाळ वृत्तसेवा
रत्नागिरी, ता. ३ : श्रीमती आनंदीबाई परशुराम अभ्यंकर बालविद्यामंदिरमध्ये लोकमान्य टिळक पुण्यतिथीनिमित्त वक्तृत्व स्पर्धा घेण्यात आली. लोकमान्य टिळक यांच्या विचारांचे संस्कार बाल मनावर व्हावेत, म्हणून छोटा गट व मोठा गट यामधील विद्यार्थ्यांसाठी वक्तृत्व स्पर्धा घेण्यात आली.
प्रथम वर्ग स्तरावर प्रत्येक वर्गातून निवडलेल्या विद्यार्थ्यांची स्पर्धा घेण्यात आली. या स्पर्धेचे परीक्षण मेधा घाणेकर यांनी केले. त्यांच्या हस्ते बक्षीस वितरण करण्यात आले. छोट्या बालदोस्तांनी भाषणाची केलेली तयारी पाहून त्या भारावून गेल्या. मुख्याध्यापिका प्रज्ञा काळे यांनी नियोजन केले. त्यांना सर्व शिक्षिका व सेविकांचे सहकार्य लाभले. शाळेच्या व्यवस्थापिका मंजिरी आगाशे यांचे मार्गदर्शन लाभले.
प्रत्येक गटातून तीन विजेते निवडण्यात आले. गुणवंत विद्यार्थ्यांची नावे अशी- लहान गट अ वर्ग ः श्राव्या डोंगरे, ईश्वरी सनगरे, गौरी घैसास. ब वर्ग- मुद्रा भावे, भूमी सनगरे, श्रीयांश कांबळे. मोठा गट अ वर्ग- दुर्गा देवल, श्रीयांशी भुते, यश घाणेकर ब वर्ग- स्वानंदी दाते, श्रीजा गावडे, निर्विका वारसे. क वर्ग- आर्य पांडे, स्पृहा आठवले, रमा पाध्ये.