मराठी साहित्याला क्रांतीची ऊर्जा देणारे लोकशाहीर

rat3p18.jpg-
81855
मंडणगड : प्रशालेतील आयोजित कार्यक्रमात लोकशाहीर अण्णाभाऊ साठे यांना अभिवादन करताना मुख्याध्यापक आबासाहेब हुलेश शिक्षक व विद्यार्थी.

मराठी साहित्याला क्रांतीची ऊर्जा देणारे लोकशाहीर
आबासाहेब हुलगे; आंबेडकर हायस्कूल येथे अण्णाभाऊ साठे जयंती
सकाळ वृत्तसेवा
मंडणगड, ता. ३ ः अण्णाभाऊ साठे हे मराठी साहित्याला क्रांतीचा ऊर्जास्रोत देणारे सुपरिचित लोकशाहीर, थोर समाजसुधारक, लोककवी आणि लेखक होते, असे मुख्याध्यापक आबासाहेब हुलगे यांनी सांगितले.
डॉ. बाबासाहेब आंबेडकर हायस्कूल व कनिष्ठ महाविद्यालय मंडणगड येथे शाहीर अण्णाभाऊ साठे जयंती साजरी करण्यात आली. त्या प्रसंगी ते बोलत होते. त्यांनी लिहिलेली फकिरा या कादंबरीला रशिया या देशामध्ये जो मानसन्मान मिळाला. तसेच त्यांनी लिहिलेल्या 35 कादंबऱ्या,19 कथासंग्रह, 14 लोकनाट्य, 11 पोवाडे, एक प्रवासवर्णन शेकडो लावण्या छकडी तसेच महाराष्ट्रातील लोकांसाठी ते एक प्रेरणास्थान असल्याचे सांगितले. शाळेच्यावतीने अण्णाभाऊ साठे यांना अभिवादन करण्यात आले. या वेळी शिक्षक, शिक्षकेतर कर्मचारी उपस्थित होते. सांस्कृतिक विभागप्रमुख ज्योती राणे यांनी उपस्थित सर्वांचे स्वागत केले. त्यांनी आपल्या प्रस्ताविकेमध्ये साठे यांनी लिहिलेली ''चिखलातील कमळ'' या कादंबरीविषयी व सामाजिक कार्याविषयी माहिती सांगितली.
अण्णाभाऊ साठे यांच्या जयंतीचे औचित्य साधून नववी अ या वर्गातील सात विद्यार्थ्यांनी साठे यांनी लिहिलेल्या 35 कादंबऱ्या, जीवनकार्याविषयी माहिती सांगितली. विद्यालयाचे सहाय्यक शिक्षक प्रकाश हेलोंडे यांनी साठे यांचे सामाजिक कार्य व त्यांच्या लेखनातून समाजातील वास्तव आणि लोकांचे प्रश्न मांडले आहेत. या विषयी माहिती सांगितली. शिक्षक प्रतिनिधी नरेश माटवणकर यांनी साठे यांच्या ‘फकिरा’ या कादंबरीला रशिया या देशांमध्ये मिळालेला सन्मान या विषयी माहिती सांगितली. विद्यालयाचे पर्यवेक्षक शांताराम बैकर यांनी साठे यांनी दलित आणि वंचितांच्या हक्कासाठी लढा दिला व समाज परिवर्तन या विषयी माहिती सांगितली.