भडकंबा येथील बापू शिंदे यांना ग्रामरत्न पुरस्कार

rat3p31.jpg-
81919
साखरपा : पुरस्कार स्वीकारताना बापू शिंदे.
--------------
भडकंबा येथील बापू शिंदे
यांना ग्रामरत्न पुरस्कार
अखिल भारतीय सरपंच परिषद ; उपायुक्तांच्या हस्ते प्रदान
साखरपा, ता. ३ : अखिल भारतीय सरपंच परिषदेचा ग्रामरत्न पुरस्कार भडकंबा येथील कृषी उत्पन्न बाजार समितीचे संचालक प्रशांत उर्फ बापू शिंदे यांना नुकताच लोणावळा येथील कार्यक्रमात प्रदान करण्यात आला.
लोणावळा येथे झालेल्या कार्यक्रमाला आयएएस अधिकारी उपायुक्त चंद्रकांत दळवी आणि अखिल भारतीय सरपंच परिषदेचे अध्यक्ष जयंतराव पाटील यांच्या हस्ते शिंदे यांना पुरस्कार देण्यात आला. भडकंबा गावामध्ये मागील २५ वर्षापासून काम करताना बापू शिंदे यांनी गावच्या विकासासाठी चौफेर काम केले आहे. नवनवीन कल्पना, विकासकामे, योजना राबवत असताना गावातील सामान्य नागरिक, निराधार व्यक्ती, जेष्ठ नागरिक, विधवा महिला व अपंग व्यक्ती यांच्यासाठी काम केले आहे. याकामी बापू शिंदे यांचे बंधू अतुल शिंदे यांनीही मेहनत घेतली आहे. कामगार कल्याण मंडळाचे दोन टप्प्यातील १० लाख रुपयांचे कोविड काळातील सानुग्रह अनुदान, भांडी सेट आदी साहित्य वैयक्तिक लाभार्थ्यांना मिळवून देणे हे कामही करण्यात आले आहे.