जिल्हा शैक्षणिकदृष्ट्या अग्रेसर

-rat३p३३.jpg-
२५N८१९४२
रत्नागिरी ः तालुक्यातील मालगुंड नं. १ शाळेच्या अमृतमहोत्सवी वर्षानिमित्त आयोजित कार्यक्रमावेळी पालकमंत्री उदय सामंत हे विद्यार्थ्यांमध्ये रमले होते.
----
जिल्हा शैक्षणिकदृष्ट्या अग्रेसर
उदय सामंत ः मालगुंड शाळेत कार्यक्रम
सकाळ वृत्तसेवा
रत्नागिरी, ता. ४ ः शैक्षणिक क्षेत्रात विविध प्रयोग होत आहेत. पूर्वीच्या काळातील शिक्षण आणि आताचे शिक्षण यात बराच फरक आहे. महाराष्ट्रामध्ये काम करत असताना रत्नागिरी जिल्हा हा शैक्षणिकदृष्ट्या सर्वच क्षेत्रात अत्याधुनिक स्वरूपासह प्रगत बनत आहे. काळाच्या ओघात रत्नागिरी जिल्हा हा भविष्यात शैक्षणिक हब बनणार असून, येथील विद्यार्थ्यांना कालानुरूप शिक्षण घेण्याची संधी उपलब्ध करून देण्याचा मानस आहे, असे प्रतिपादन पालकमंत्री उदय सामंत यांनी केले.
रत्नागिरी तालुक्यातील मालगुंड नंबर १ शाळेच्या शतकोत्तर अमृतमहोत्सवी वर्षानिमित्त आयोजित कार्यक्रमात बोलत होते. याप्रसंगी शाळेचे माजी विद्यार्थी विश्वनाथ साळवी यांच्या हस्ते वृक्ष लागवड करण्यात आली. समिती सदस्य गजानन पाटील यांनी शाळेचा इतिहास सांगितला. कार्यक्रमाला जिल्हा परिषद मुख्य कार्यकारी अधिकारी वैदेही रानडे, अमृत महोत्सव समितीचे अध्यक्ष श्रीकांत मेहेंदळे, शाळा व्यवस्थापन समितीचे अध्यक्ष गिरीश बापट, मालगुंड एज्युकेशन सोसायटीचे अध्यक्ष सुनील मयेकर, तहसीलदार राजाराम म्हात्रे आदी उपस्थित होते.