कुणकेश्वर मंदिर परिसर रविवारी भाविकांसाठी बंद

कुणकेश्वर मंदिर परिसर
रविवारी भाविकांसाठी बंद
सकाळ वृत्तसेवा
देवगड, ता. ३ ः तालुक्यातील श्री क्षेत्र कुणकेश्वर येथे उद्या (ता. ४) दुसऱ्‍या श्रावण सोमवारनिमित्त येणाऱ्या‍ भाविकांसाठी सुलभ दर्शन व्यवस्थेचे नियोजन करण्यात आले आहे. मंदिरातील पूजा झाल्यानंतर पहाटे ६ वाजल्यापासून मंदिर दर्शनासाठी खुले करण्यात येणार आहे. दरम्यान, रविवारी (ता. १०) श्री देव कुणकेश्वर देवस्थानच्या वार्षिकानिमित्त दुपारी २ ते रात्री ८ या वळेत मंदिर परिसर भाविकांसाठी बंद राहणार आहे.
उद्या (ता. ४) दुसरा श्रावण सोमवार असल्याने भाविकांची संभाव्य गर्दी लक्षात घेता भाविकांच्या सोयीसाठी नियोजन करण्यात आले आहे. पहाटे ६ वाजता दर्शन सुरू करण्यात येईल. रविवारी (ता. १०) श्री देव कुणकेश्वर देवस्थानच्या वार्षिकानिमित्त दुपारी २ ते रात्री ८ या वेळेत मंदिर परिसर भाविकांसाठी बंद राहणार आहे. कुणकेश्वर मारुती मंदिर तिठा ते कुणकेश्वर मंदिर, कुणकेश्वर महापुरुष पार (बाजारपेठ) ते कुणकेश्वर मंदिर, मिठमुंबरी बीच ते कुणकेश्वर मंदिरापर्यंतचे सर्व मार्ग या कालावधीत बंद राहणार आहेत. तसेच पुढील सोमवारी (ता. ११) सायंकाळी ४ ते ५ या कालावधीमध्ये भावई वार्षिक होणार असल्याने मंदिरातील दर्शन व्यवस्था बंद राहणार आहे. याची सर्व भाविक भक्तांनी नोंद घेऊन देवस्थान ट्रस्टला सहकार्य करण्याचे आवाहन ट्रस्टचे अध्यक्ष एकनाथ तेली यांनी केले आहे.