मंडणगडात ४८ हजारांचे खैर चोरले

मंडणगडात ४८ हजारांची
खैराची ३५ झाडे चोरीस
सकाळ वृत्तसेवा
मंडणगड, ता. ३ः अंधाराचा फायदा घेत चोरट्यांनी ४८ हजार रूपये किंमतीची खैराची ३५ झाडे चोरुन नेल्याची तक्रार मंडणगड पोलीसात काल (ता. २) नोंदविली आहे.
जमीन मालक सुधीर सीताराम सोंडकर (५१, व्यवसाय शेती, रा. कादवण देऊलवाडी) यांनी मंडणगड पोलीसात तक्रार दाखल केली आहे. तक्रारीत दिलेल्या माहितीनुसार चोरट्यांनी ३१ जुलै रोजी सायकाळी ४.३० ते १ ऑगस्ट रोजी सकाळी ७ वाजण्याचे दरम्यान कादवण देऊलवाडी येथील सामाईक मालकीच्या जमिनीत घुसून १५० खैराच्या झाडापैकी ३५ खैराची मोठी झाडे तोडून नेली. त्या झाडांची बाजारभावाप्रमाणे किंमत अंदाजे ४८ हजार रुपये इतकी आहे. तक्रारीनंतर मंडणगड पोलीस ठाण्यात गुन्हा नोंद करण्यात आला आहे. याप्रकरणी पोलीस अधिक तपास करीत आहेत.