ग्रामपंचायतीतील गैरव्यवहाराची चौकशी करा
82096
ग्रामपंचायतीतील गैरव्यवहाराची चौकशी करा
शैलेश गोडकर ः सागरतीर्थप्रश्‍नी सिंधुदुर्गनगरीत उपोषण
सकाळ वृत्तसेवा
सिंधुदुर्गनगरी, ता. ४ ः वेंगुर्ले तालुक्यातील सागरतीर्थ ग्रामपंचायतीमध्ये होत असलेल्या गैरव्यवहारप्रकरणी सखोल चौकशी करून न्याय द्यावा, तसेच दोषींवर गुन्हे दाखल करावे, या मागणीसाठी आरवली सखैलेखोल येथील शैलेश गोडकर यांनी जिल्हा परिषदेसमोर लक्षवेधी उपोषण केले.
सागरतीर्थ ग्रामपंचायत हद्दीतील गैरव्यवहारप्रकरणी सरपंच व सदस्यांनी दिलेल्या निर्णयाची चौकशी व्हावी, अनधिकृत बांधकामप्रकरणी कारवाई करण्याचे वरिष्ठ कार्यालयाचे आदेश असतानाही ग्रामपंचायत कारवाई करत नाही. त्याचीही चौकशी करून अनधिकृत बांधकामावर कारवाई करावी. मृत्यू नोंद अभिलेख व ग्रामपंचायत मूळ दप्तरी अभिलेख नोंदीमध्ये खाडाखोड केल्याप्रकरणी संबंधितावर गुन्हा दाखल करावा तसेच सरपंचांवर कारवाई करण्यासाठी ग्रामपंचायतीकडे वस्तुनिष्ठ अहवाल ऑगस्ट २०२४ मध्ये मागितला असून, तो दिला जात नाही, तो द्यावा. या मागण्यांसाठी आज शैलेश गोडकर यांनी जिल्हा परिषदेसमोर लक्षवेधी उपोषण केले. आंदोलनाची दखल न घेतल्यास उद्या (ता. ५) वेंगुर्ले पंचायत समितीसमोर, ११ ऑगस्टला विभागीय आयुक्त कार्यालयासमोर आणि १५ ऑगस्टपासून आझाद मैदानावर बेमुदत उपोषण छेडणार असल्याचा इशारा दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.