खारेपाटणमध्ये दाखल्यांचे वितरण

82295

खारेपाटणमध्ये दाखल्यांचे वितरण
‘महाराजस्व’ अभियानः महसूल, वन विभागाच्या उपक्रमास प्रतिसाद
सकाळ वृत्तसेवा
तळेरे, ता. ५ : महाराष्ट्र शासनाच्या महसूल व वन विभागाच्या वतीने महसूल सप्ताहानिमित्त तहसीलदार कार्यालय कणकवली अंतर्गत येणाऱ्या खारेपाटण मंडळ अधिकारी कार्यालयाच्या वतीने छत्रपती शिवाजी महाराज महाराजस्व अभियानअंतर्गत खारेपाटण ग्रामपंचायत येथे पंचक्रोशीतील लाभार्थी नागरिकांना विविध शासकीय दाखल्यांचे वितरण करण्यात आले. सरपंच प्राची इस्वलकर यांच्या अध्यक्षतेखाली हा कार्यक्रम झाला.
यावेळी कुरंगवणे सरपंच संतोष उर्फ पप्पू ब्रम्हदंडे, सामाजिक कार्यकर्ते संतोष पाटणकर, खारेपाटण मंडळ अधिकारी सरिता बावलेकर, खारेपाटण तलाठी प्रवीण लुबडे, प्रभारी ग्रामविकास अधिकारी गिरीश धुमाळे, नडगिवे तलाठी विकास चाळके, शेर्पे तलाठी अनधा अग्निहोत्री, सहायक कृषी अधिकारी (खारेपाटण) सागर चव्हाण, वारगाव व कुरंगवणे कृषी अधिकारी सौरभ बसापुरे यांसह पोलिसपाटील अनिकेत चव्हाण (खारेपाटण), दिगंबर भालेकर (चिंचवली), देवेन गोसावी (कुरंगवणे), नीलेश कदम (वायंगणी), दिलीप नावळे (वारगाव), जितेंद्र मण्यार (नडगिवे), खारेपाटण महा ई-सेवा केंद्र संचालक भूषण कांबळे, ऋषिकेश राऊत, कोतवाल गुरसाळे आदी उपस्थित होते.
महसूल विभागाने राबविलेला हा उपक्रम स्तुत्य असून गावातच विविध शासकीय दाखले उपलब्ध झाले. यामुळे छत्रपती शिवाजी महाराजांच्या काळातील सुशासनाचा अनुभव आला, असे सरपंच इस्वलकर यांनी सांगितले. ब्रम्हदंडे, बावलेकर, लुडबे, गायकवाड यांनी मनोगत व्यक्त केले. मंडळ अधिकारी कार्यालयातर्फे पंचक्रोशीतील नवनिर्वाचित पोलिसपाटलांना मार्गदर्शन करण्यात आले.