सावंतवाडीत रविवारी क्रिकेट निवड चाचणी

सावंतवाडीत रविवारी
क्रिकेट निवड चाचणी
सावंतवाडी ः महाराष्ट्र क्रिकेट असोसिएशन आयोजित निमंत्रितांच्या साखळी स्पर्धेत भाग घेण्यासाठी १४ वर्षांखालील मुलांचा लेदरबॉल क्रिकेट संघ निवड करण्यासाठी एम क्रिकेट अॅकॅडमी खासकीलवाडा-सावंतवाडी येथे निवड चाचणी रविवारी (ता. १०) सकाळी ९ वाजता घेण्यात येणार आहे. एक सप्टेंबर २०११ नंतर जन्मलेल्या व जिल्ह्यातील रहिवासी असलेल्या मुलांना निवड चाचणीत सहभागी होता येईल. खेळाडूंनी पूर्ण गणवेशात, आधारकार्ड, फोटो व जन्मदाखला सोबत आणावा, असे आवाहन सिंधुदुर्ग जिल्हा क्रिकेट असोसिएशनचे चेअरमन गुरुनाथ चोडणकर यांनी केले आहे. अधिक माहितीसाठी नंदकिशोर रेडकर यांच्याशी संपर्क साधावा, असे आवाहन आयोजकांनी केले आहे.
--
सातार्ड्यात सप्टेंबरमध्ये
भजन स्पर्धेचे आयोजन
आरोंदा ः सातार्डा येथील पंचक्रोशी टिळक ग्रंथालयाच्या वतीने ७ सप्टेंबरला दुपारी २:३० वाजता पंचक्रोशी मर्यादित भजन स्पर्धेचे आयोजन केले आहे. ही स्पर्धा तरचावाडा महापुरुष मंदिरामध्ये आयोजित केली आहे. पृथ्वीराज मनोहर मांजरेकर यांनी ही स्पर्धा पुरस्कृत केली असून या स्पर्धेत प्रथम विजेत्या भजन मंडळाला अनुक्रमे ५०००, ३०००, २००० तसेच वैयक्तिक पारितोषिके देण्यात येणार आहेत. प्रथम सहभाग घेणाऱ्या सहा भजन मंडळांना प्राधान्य देण्यात येणार आहे. इच्छुक भजन मंडळांनी अधिक माहितीसाठी ग्रंथालयाचे अध्यक्ष ज्ञानेश्वर मांजरेकर यांच्याशी शुक्रवार (ता.८) पर्यंत संपर्क साधावा, असे आवाहन केले आहे.