सावंतवाडीत गजानन नाटेकरांचा सत्कार

82578

सावंतवाडीत गजानन नाटेकरांचा सत्कार
सावंतवाडी ः संजय गांधी निराधार योजनेचे अध्यक्ष म्हणून केलेल्या उत्कृष्ट कामाबद्दल गजानन नाटेकर यांचा माजी शिक्षण मंत्री, आमदार दीपक केसरकर यांच्या हस्ते सत्कार करण्यात आला. नाटेकर यांनी आपल्या कार्यकाळात ९५ टक्के प्रस्तावांना सकारात्मक मंजुरी देऊन ही योजना गरजूंपर्यंत प्रभावीपणे पोहोचविली, असे गौरवोद्गार श्री. केसरकर यांनी काढले. येथे आयोजित ''महसूल सप्ताह व छत्रपती शिवाजी महाराज महसूल अभियान कार्यक्रमात हा सत्कार करण्यात आला. श्री. नाटेकर हे केसरकर यांच्या कार्यालयाचे कामकाजही सांभाळतात. या कार्यक्रमाला प्रांताधिकारी हेमंत निकम, तहसीलदार श्रीधर पाटील, जिल्हाप्रमुख संजू परब, तालुकाप्रमुख नारायण उर्फ बबन राणे, माजी जिल्हाप्रमुख अशोक दळवी, महिला जिल्हाध्यक्ष ॲड. नीता कविटकर यांची प्रमुख उपस्थिती होती.
..................
82579

परुळे चिपीतील संरक्षक भिंत कोसळली
म्हापण ः गेले दोन दिवस पडत असलेल्या मुसळधार पावसामुळे परुळे चिपी कालवंडवाडी येथील रहिवासी भास्कर लक्ष्मण पवार यांच्या घरासमोरील चिरेबंदी बांधलेली संरक्षक भिंत सुमारे वीस फूट खाली कोसळून नुकसान झाले. गेले दोन दिवस परिसरात मुसळधार पाऊस पडत आहे. चार दिवस विश्रांती घेतल्यानंतर पावसाने परिसरात मुसळधार हजेरी लावली. यामुळे ही घटना घडली. याची माहिती मिळताच चिपी पोलिसपाटील संदेश पवार यांनी घटनास्थळी पाहाणी करत माहिती घेतली व नुकसानीची खबर तत्काळ प्रशासनाला देण्यात आली.