सिंधुरत्न टॅलेंट सर्च परीक्षेत आचरा इंग्लिश स्कूलचे यश

swt626.jpg
82623
आचराः सिंधुरत्न टॅलेंट सर्च परीक्षेतील विद्यार्थ्यांसोबत मान्यवर.

सिंधुरत्न टॅलेंट सर्च परीक्षेत
आचरा इंग्लिश स्कूलचे यश
सकाळ वृत्तसेवा
आचरा, ता. ७ ः युवा संदेश प्रतिष्ठान कणकवली आयोजित आयोजित सिंधुरत्न टॅलेंट सर्च (एसटीएस) परीक्षेत न्यू इंग्लिश स्कूल आचरा प्रशालेच्या सहावी व सातवीच्या विद्यार्थ्यांनी यश संपादन केले.
या परीक्षेमध्ये सहावीचा विद्यार्थी मिहीर गोवंडे व चैतन्य सावंत यांना कांस्यपदक मिळाले, तर राजेश सोमनाचे, रितेश शेठ, यश लब्दे, समर्थ धुमडे, पार्थ कांबळी तसेच सातवीतील कौशल भोसले, दीप्ती चेंदवणकर, कृतिका आयर, सृष्टी पाताडे यांनी यश संपादन केले. या विद्यार्थ्यांना प्रशालेचे शिक्षक साटेलकर यांनी मार्गदर्शन केले. या सर्व विद्यार्थ्यांचे सर्व संस्थाचालक तसेच प्रशालेचे मुख्याध्यापक घुटुकडे, उपमुख्याध्यापिका माणगावकर, सर्व शिक्षक, शिक्षकेतर कर्मचारी यांनी अभिनंदन केले.
.....................
swt627.jpg
82624
आचरा ः हायस्कूलच्या विद्यार्थ्यांनी कॅरम स्पर्धेत यश मिळविले.

आचरा प्रशालेचे विद्यार्थी
कॅरम स्पर्धेमध्ये चमकले
सकाळ वृत्तसेवा
आचरा, ता. ७ः क्रीडा व युवक सेवा महाराष्ट्र राज्य अंतर्गत जिल्हा क्रीडा अधिकारी कार्यालय व जिल्हा क्रीडा परिषद सिंधुदुर्ग यांच्यावतीने आयोजित मालवण तालुकास्तरीय शालेय कॅरम स्पर्धा वराडकर हायस्कूल कट्टा (ता. मालवण) येथे झाल्या. या स्पर्धेत न्यू इंग्लिश स्कूल आणि कनिष्ठ महाविद्यालय आचरा प्रशालेने सुयश मिळविले.
सतरा वर्षांखालील मुलांच्या गटामध्ये वसंत मेस्त्री तर १९ वर्षांखालील मुलांच्या गटामध्ये ओम मेस्त्री, कुणाल घाडी यांची जिल्हास्तरीय कॅरम स्पर्धेसाठी निवड झाली आहे. या विद्यार्थ्यांना क्रीडाशिक्षक राठोड यांचे मार्गदर्शन लाभले. या विद्यार्थ्यांचे सर्व संस्थाचालक, मुख्याध्यापक घुटुकडे, उपमुख्याध्यापिका माणगावकर, सर्व शिक्षक व शिक्षकेतर कर्मचारी यांनी अभिनंदन केले.