पूर्व राष्ट्रीय नेमबाजीसाठी ऋतुराजसह शंतनूची निवड

८२७७५

पूर्व राष्ट्रीय नेमबाजीसाठी
ऋतुराजसह शंतनूची निवड
सावंतवाडी, ता. ७ः मुंबई वरळी येथे महाराष्ट्र राज्य एअर वेपन शूटिंग चॅम्पियनशिप स्पर्धा घेण्यात आली. यात येथील राणी पार्वती देवी हायस्कूलच्या ऋतुराज लाखे व शंतनू लाखे यांनी सिंधुदुर्ग जिल्ह्यातून सहभाग घेतला. त्यांची वेस्ट झोन शूटिंग चॅम्पियनशिप व ऑल इंडिया जी. व्ही. मावळणकर स्पर्धेसाठी निवड झाली आहे.
या स्पर्धेत मुंबई, कोल्हापूर, पुणे, सातारा, सांगली, औरंगाबाद, नाशिक, धुळे, अमरावती अशा विविध जिल्ह्यातून स्पर्धक सहभागी झाले होते. १० मीटर पीपसाईट व १० मीटर एअर पिस्तूल प्रकारात ही स्पर्धा घेण्यात आली. ऋतुराज व शंतनू यांनी १० मीटर एअर पिस्तूल प्रकारात सहभागी होऊन उत्कृष्ट कामगिरी केली. ते पुढील स्पर्धेसाठी पात्र ठरले असून त्यांची वेस्ट झोन शूटिंग चॅम्पियनशिप व ऑल इंडिया जी. व्ही. मावळणकर स्पर्धेसाठी निवड झाली आहे. दोन्ही खेळाडू हे उपरकर शूटिंग अकॅडमी सावंतवाडी येथे सराव करत असून त्यांना प्रशिक्षक कांचन उपरकर यांचे प्रशिक्षण लाभले तर आंतरराष्ट्रीय प्रशिक्षक विक्रम भांगले यांचे मार्गदर्शन लाभले. निवड झालेल्या दोन्ही खेळाडूंचे सिंधुदुर्ग जिल्हा शूटिंग असोसिएशन च्या सर्व पदाधिकाऱ्यांनी अभिनंदन केले.