-सहर्ष टोकलेची बुद्धिबळ स्पर्धेसाठी निवड

-rat७p२२.jpg-
२५N८२७९२
सहर्ष टोकले
-----

सहर्षची बुद्धिबळ स्पर्धेसाठी निवड
सकाळ वृत्तसेवा
गावतळे, ता. ७ ः दापोलीतील ए. जी. हायस्कूलमध्ये झालेल्या शालेय तालुकास्तरीय बुद्धिबळ स्पर्धेत गावतळेमधील श्रीमान मथुरभाई बुटाला हायस्कूलचा विद्यार्थी सहर्ष टोकले याने अजिंक्यपद पटकावले. त्याची जिल्हास्तरीय स्पर्धेसाठी निवड झाली आहे. तालुकास्तरीय स्पर्धेत १४ वर्षाखालील मुलांच्या वयोगटात दापोली तालुक्यातील सर्व शाळांमधून ५६ विद्यार्थ्यांनी सहभाग घेतला होता. या स्पर्धेत एकूण ८ फेऱ्या खेळवण्यात आल्या. त्यामध्ये प्रशालेच्या सहावीमध्ये शिकणाऱ्या सहर्ष टोकले या विद्यार्थ्याने स्पर्धेतील सर्व फेऱ्या जिंकून अजिंक्य राहिला व तालुकास्तरावर प्रथम क्रमांक मिळवला. त्याची रत्नागिरी येथे होणाऱ्या जिल्हास्तरीय स्पर्धेकरिता निवड झाली. याबद्दल प्राचार्या भक्ती सावंत, क्रीडाशिक्षक मकरंद गायकवाड, वर्गशिक्षक दीपक सूर्यवंशी, शिक्षक एन. वाय. पवार, शालेय व्यवस्थापन समिती अध्यक्ष संदीप मांडवकर, ग्रामस्थ यांनी अभिनंदन केले आहे.