सिंधुदुर्गातील ३२०० शिक्षकांना ''एमकेसीएल''तर्फे एआय प्रशिक्षण

82866

सिंधुदुर्गातील ३२०० शिक्षकांना
‘एमकेसीएल’तर्फे एआय प्रशिक्षण
सकाळ वृत्तसेवा
कुडाळ, ता. ८ः पालकमंत्री नितेश राणे यांच्या संकल्पनेतून सिंधुदुर्ग जिल्ह्यात ३ हजार २०० शिक्षकांना एकाच दिवशी एआय प्रशिक्षण
तसेच एआय टूल्स ई-बुकबाबत मार्गदर्शन करण्यात आले. यासाठी एमकेसीएलने पुढाकार घेतला.
हा उपक्रम जिल्ह्याचे पालकमंत्री नितेश राणे यांच्या संकल्पनेतून साकार झाला असून, जिल्हा परिषदेचे मुख्य कार्यकारी अधिकारी रवींद्र खेबुडकर, प्राथमिक शिक्षणाधिकारी डॉ. गणपती कमळकर, एमकेसीएलचे जिल्हा समन्वयक प्रणय तेली, शिक्षण विस्तार अधिकारी, केंद्रप्रमुख, तसेच एमकेसीएलचे अधिकृत प्रतिनिधी यांच्या संयुक्त प्रयत्नातून जिल्ह्यात ३७ ठिकाणी एकाच वेळी यशस्वीपणे पार पडला.
या प्रशिक्षणात शिक्षकांना विविध उपयुक्त टूल्सची माहिती देण्यात आली.
या कार्यक्रमास कुडाळ येथे कोकण विभागाचे आयुक्त विजय सूर्यवंशी, जिल्हाधिकारी अनिल पाटील, प्रांताधिकारी ऐश्वर्या काळुसे, तहसीलदार वीरसिंग वसावे यांची उपस्थित होते. या उपक्रमाचा पुढचा टप्पा म्हणून ६ ते १५ ऑगस्ट या कालावधीत जिल्ह्यातील सर्व अधिकृत एमएस-सीआयटी केंद्रांवर एआय हँड्स-ऑन प्रॅक्टिकल सत्रे मोफत आयोजित केली आहेत. हा कार्यक्रम जवळच्या एमकेसीएल केंद्रात सकाळी १० ते सायंकाळी ६ यावेळेत निशुल्क होणार आहे. याचा शिक्षकांनी लाभ घ्यावा, असे आवाहन केले आहे.