चोरीच्या उद्देशाने फिरणारा एकजण जेरबंद

चोरीच्या उद्देशाने
फिरणारा ताब्यात
खेड ः शहरातील इंद्रप्रस्थ बार ते डायमंड सलूनदरम्यान लोखंडी सळी घेऊन संशयास्पदरीत्या फिरणाऱ्या एकावर पोलिसांनी कारवाई केली आहे. हरी रामशब्द लाल (वय ३८, रा. सिंगही, जि. बस्ती, उत्तर प्रदेश) असे संशयिताचे नाव असून, पोलिसांनी त्याच्यावर गुन्हा दाखल केला आहे. ६ ऑगस्टला मध्यरात्री १ वाजता गस्तीदरम्यान पोलिसांना हरी लाल लोखंडी सळी घेऊन फिरताना आढळला. त्याला थांबवण्याचा प्रयत्न केला असता तो पळून जाऊन डायमंड सलूनजवळ अंधारात लपला. पोलिसांनी त्याला पकडून सळी जप्त केली. चोरीच्या उद्देशाने तो फिरत असल्याचा संशय व्यक्त करण्यात आला आहे. याप्रकरणी अनिल माणिकराव पवार यांनी फिर्याद दिली आहे.