मत्स्योत्पादन वाढल्याने अधिकाऱ्यांचे अभिनंदन

82943

मत्स्योत्पादन वाढल्याने
अधिकाऱ्यांचे अभिनंदन

मालवणात भाजपने घेतली भेट

सकाळ वृत्तसेवा
मालवण, ता. ७ : मालवण भाजप पदाधिकाऱ्यांनी येथील मत्स्यव्यवसाय सहाय्यक आयुक्त कार्यालयामध्ये सदिच्छा भेट दिली. महाराष्ट्र राज्यात मत्स्यउत्पादन ४७ टक्के वाढले. राज्याचे मत्स्यव्यवसाय बंदरे विकास मंत्री तथा पालकमंत्री नीतेश राणे व मत्स्य विभाग सर्व अधिकारी कर्मचाऱ्याचे भाजप तालुकाध्यक्ष बाबा मोंडकर यांनी अभिनंदन केले.
यावेळी भाजप मच्छिमार सेल जिल्हासंयोजक विकी तोरसकर, सुदेश आचरेकर, भाजपा उपाध्यक्ष मनोज मेतर, मोहन वराडकर, पंकज सादये, युवामोर्चा अध्यक्ष ललित चव्हाण, सुरेश बापार्डेकर यांसह अन्य उपस्थित होते. मंत्री राणे यांच्या नेतृत्वात मत्स्य विभाग गतिमान झाला आहे. मच्छिमार हिताचे अनेक निर्णय झाले. परराज्यातील अनधिकृत मासेमारीवर धडक कारवाई होत आहे. रिक्त पदे भरणा होत आहेत, असे मोंडकर यांनी सांगितले. आगामी काळात मच्छिमार परवाना नोंदणीसाठी किनारपट्टी गाव स्तरावर नोंदणी शिबीर, मच्छिमार योजना माहितीसाठी हेल्पलाईन नंबर सुरु करणे. याबाबत मोंडकर यांनी चर्चा केली. पंजाब नॅशनल बँक कुडाळ येथे जाऊन मच्छिमारांसाठी खाते उघडणे मच्छिमारांना खर्चाचे ठरते, त्यामुळे या बँकेस सूचना करून चालू आठवड्यात प्रत्येक सागरी गावात बँक खाते उडण्यासाठी कॅम्पचे आयोजन करावे, अशीही मागणी मोंडकर यांनी केली.