मुणगे हायस्कूलचे ‘जय किसान’ जिंकले
82982
मुणगे हायस्कूलचे ‘जय किसान’ जिंकले
विज्ञान नाट्य स्पर्धा; विद्यार्थ्यांच्या सादरीकरणाचे कौतुक
सकाळ वृत्तसेवा
मुणगे, ता. ८ ः तळेबाजार (ता. देवगड) येथे झालेल्या तालुकास्तरीय विज्ञान नाट्य स्पर्धेत श्री भगवती हायस्कूलच्या ‘जय किसान’ या विज्ञान नाट्यास प्रथम क्रमांक प्राप्त झाला. राष्ट्रीय विज्ञान नाट्य उत्सवांतर्गत ही स्पर्धा घेण्यात आली.
तळेबाजार येथील महात्मा गांधी माध्यमिक विद्यालयामध्ये तालुकास्तरीय विज्ञान नाट्य स्पर्धा पार पडली. श्री भगवती हायस्कूलच्या ‘जय किसान’ या नाटकाने प्रथम क्रमांक पटकाविला. मानव कल्याणासाठी विज्ञान व तंत्रज्ञान या विषयांतर्गत ‘स्मार्ट शेती’ हा उपविषय निवडला होता. यामध्ये पारंपरिक शेती, यांत्रिकीकरण, अंधश्रद्धा, शेतकी विज्ञान, एआय आणि तंत्रज्ञान अशा विविध पैलूंवर प्रकाश टाकला. एकांकिकेतील संवाद, नेपथ्य, अभिनय, सादरीकरण आणि विज्ञानाशी असलेली सुसंगती यामुळे सादरीकरण प्रभावी झाले, असे गौरवोद्‌गार मान्यवरांनी काढले.
यामध्ये प्रमुख भूमिका अनन्या गावकर, सोहम हिर्लेकर, श्रावणी माटवकर, ओम मुणगेकर, वेदांत तवटे, आराध्या कदम, जय सावंत, स्मित पाडावे या विद्यार्थ्यांनी साकारल्या. नेपथ्य सहाय्य मृगाक्षी हिर्लेकर, लावण्या पटकरे, अथर्व पटवर्धन, अमर घाडी, आयुष सावंत, अनुराधा कदम या विद्यार्थ्यांनी केले. एकांकिकेचे लेखन आणि दिग्दर्शन संजीव राऊत यांनी केले. गीत लेखन अनुराधा दीक्षित व संजीव राऊत यांनी, संगीत साथ राजन प्रभू, शैलेश सावंत, तेजल बागडे यांनी केली. हायस्कूलचे सहायक शिक्षक हरीश महाले, रश्मी कुमठेकर, सुविधा बोरकर, मनोज मुणगेकर, नामदेव बागवे, स्वप्नील कांदळगावकर यांचे सहकार्य लाभले. नेपथ्य, रंगभूषा व वेशभूषा तसेच संगीत साथ गौरी तवटे यांनी दिली. या विज्ञान नाट्याच्या निर्मितीसाठी विशेष सहाय्य प्रसाद बागवे यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.