आचऱ्यातील नारळ लढविणे स्पर्धेत अमर गावकर विजेते

82983

आचऱ्यातील नारळ लढविणे
स्पर्धेत अमर गावकर विजेते
आचरा, ता. ८ ः शिवसेनेतर्फे आचरा तिठा येथे आयोजित नारळ लढविणे स्पर्धेला उत्स्फूर्त प्रतिसाद लाभला. या स्पर्धेचा अमर गावकर विजेते, तर राजा सावंत उपविजेते ठरले. विजेत्यांना रोख रक्कम व चषक देऊन गौरविण्यात आले. स्पर्धेचे उद्घाटन शिवसेना जिल्हाप्रमुख दत्ता सामंत यांच्या हस्ते झाले.
यावेळी मार्गदर्शन करताना त्यांनी आपले सण, परंपरा पुढच्या पिढीपर्यंत पोहोचविण्याचे काम अशा स्पर्धांमधून होत असल्याचे मत व्यक्त केले. शिवसेना उपजिल्हा प्रमुख महेश राणे, तालुकाप्रमुख विनायक बाईत, आचरा सरपंच जेरॉन फर्नांडिस, उपसरपंच संतोष मिराशी, जयप्रकाश परुळेकर, मुझफ्फर मुजावर, मनोज हडकर, भाऊ हडकर, अभिजित सावंत, बाबू कदम, उदय घाडी, ग्रामपंचायत सदस्य पंकज आचरेकर, महेंद्र घाडी, चंदू कदम, किशोरी आचरेकर, हर्षद धुरी, किशोर हिर्लेकर, शशिकांत नाटेकर उपस्थित होते. यावेळी ज्येष्ठ नागरिक संघटनेचा जिल्हाप्रमुख सामंत यांच्या हस्ते सत्कार करण्यात आला.