स्त्रीने स्वकर्तृत्वाने स्वतःला केलं सिद्ध

-rat८p३.jpg-
२५N८२९६६
रत्नागिरी : फाटक हायस्कूलमध्ये मार्गदर्शन करताना शिरीष दामले.
-----
स्त्रीने स्वकर्तृत्वाने स्वतःला केलं सिद्ध
शिरीष दामले ः फाटक हायस्कूलमध्ये व्याख्यान
सकाळ वृत्तसेवा
रत्नागिरी, ता. ८ : स्त्रीने स्व कर्तृत्वाने स्वतःला सिद्ध केलं आहे. संघर्षाला तोंड देत पुढे जाणाऱ्या स्त्रिया संघर्ष करणाऱ्यांचा मार्ग सुखकर करत आहेत. पुरुषप्रधान मानसिकता बदलणे गरजेचं आहे, असे प्रतिपादन ज्येष्ठ पत्रकार शिरीष दामले यांनी केलं. औचित्य होतं फाटक हायस्कूल व श्रीमान वि. स. गांगण आणि त्रि. प. केळकर विज्ञान कनिष्ठ महाविद्यालयातील विद्यार्थ्यांसाठी आयोजित भेदाभेद अमंगल विषयावरील व्याख्यानाचे.
या वेळी शाळेचे मुख्याध्यापक राजन कीर, उपमुख्याध्यापक विश्वेश जोशी, संस्थेच्या मुख्य कार्यकारी अधिकारी दाक्षायणी बोपर्डीकर, प्रा. उदय गाडगीळ, प्रा. विजय गावडे मान्यवर उपस्थित होते. श्री. दामले यांनी खुमासदार शैलीत साध्या सोप्या उदाहरणांच्या सहाय्याने विद्यार्थ्यांशी संवाद साधला. रूढी परंपरेने स्त्रीला दुय्यम स्थान दिले. स्त्री आदरानेच भेदाभेद कमी होईल. मनामनात रुजलेले भेद काढून टाकूया. छोटे छोटे बदलच खूप मोठं परिवर्तन घडवू शकतात. दैनंदिन जीवनातील वैचारिक भेदाभेद कमी करण्याचे आवाहन पत्रकार शिरीष दामले यांनी केले. व्याख्यात्यांचा परिचय अंजली यादव हिने करून दिला. सूत्रसंचालन सोनल गुरव हिने केले. निखिल सावंत याने आभार मानले.
---